VIDEO: વાપીમાં અકસ્માત બાદ ભીષણ આગ, સળગતું કન્ટેઇનર બ્રિજ પર લટકી ગયું

Container Fire In Vapi: વાપી જીઆઈડીસી ચાર રસ્તા ઓવરબ્રિજ પર ટેમ્પો અને કન્ટેઇનર વચ્ચે અકસ્માતની ઘટના બાદ કન્ટેઇનરમાં આગ લાગી હતી. કન્ટેઇનરના ચાલકે સ્ટીયરિંગ પરથી કાબુ ગુમાવતા દુર્ઘટના સર્જાઈ હોવાનુ જણાય છે. જેમાં ઓવરબ્રિજ પર કેમિકલ ભરેલું કન્ટેઇનર લટકી પડતાં ભયનો માહોલ સર્જાયો હતો. અકસ્માતને લઈને પોલીસે સાવચેતીના ભાગરૂપે મુંબઈ-સુરત ટ્રેક ઉપર વાહન વ્યવહાર બંધ કરી દીધો હતો. 

મળતી માહિતી મુજબ, વલસાડના વાપીમાં નેશનલ હાઈવે 48 પર અકસ્માત બાદ કન્ટેઇનરમાં આગ ભભૂકી હતી અને કન્ટેઇનર બ્રિજ નીચે લટકી ગયું હતું. અકસ્માતને પગલે અફરા-તફરીનો માહોલ સર્જાયો હતો. તેમજ હાઈવે પર વાહન વ્યવહાર પણ પ્રભાવિત થયો હતો. 

આ પણ વાંચો: હિંમતનગર હાઈવે પર કાળમુખો અકસ્માત: ખાનગી બસે કારને કચડી, 6 લોકોના કમકમાટીભર્યા મોત

અકસ્માત બાદ આગની ઘટનાને પગલે ફાયરની ટીમ તાત્કાલિક સ્થળ પર પહોંચીને આગ પર કાબૂ મેળવવાની કામગીરી હાથ ધરી હતી. આ દુર્ઘટનામાં મોટી જાનહાનિ થઈ નહોતી.