ટુ વ્હિલરને ટક્કર મારી સિટિ બસનો ચાલક ફરાર

વડોદરા,પ્રતાપનગર ત્રણ રસ્તા પાસે મોપેડ સવાર માતા અને બે પુત્રોને ટક્કર મારીને ભાગી ગયેલા સિટિ બસના ડ્રાઇવર સામે વાડી પોલીસે ગુનો દાખલ કર્યો છે.

પ્રતાપનગર આર.વી.દેસાઇ રોડ પર શક્તિ એપાર્ટમેન્ટમાં રહેતા રાજેશભાઇ પટેલ પોલીસ તાલીમ શાળા વડોદરામાં આસિસ્ટન્ટ ડ્રિલ ઇન્સટ્રક્ટર તરીકે નોકરી કરે છે. ગત૨૩મી તાારીખે તેમના પત્ની સરોજબેન બે દીકરાઓને મોેપેડ પર સ્કૂલે મૂકવા સવારે  જતા હતા. સવારે પોણા સાત વાગ્યે તેઓ સ્કૂલ તરફ જવા માટે પ્રતાપનગર ત્રણ રસ્તા ક્રોસ કરતા હતા. તે  દરમિયાન એક મોપેડ ચાલક માંડવી તરફથી આવતો હોઇ તેમણે બ્રેક મારી હતી. તે સમયે એક સિટિ બસે સરોજબેનના મોપેડને ટક્કર મારતા તેઓ સંતાનો સાથે રોડ પર પટકાયા હતા. તેમના પર બસના પૈંડા  ફરી વળતા છાતી પર ગંભીર ઇજા થતા પાંસળીમાં ત્રણ ફ્રેક્ચર થયું હતું.  જ્યારે નાના દીકરાને જમણા હાથે વાગ્યું હતું. સિટિ બસનો ચાલક સ્થળ પરથી ભાગી ગયો હતો. વાડી પોલીસે આ અંગે ગુનો દાખલ કરી તપાસ હાથ ધરી છે.