જામનગરના ગોકુલ નગર વિસ્તારમાં વેપારી પોતાની દુકાનમાં દારૂનું વેચાણ કરતાં પકડાયો

Jamnagar : જામનગરના સીટી એ. ડિવિઝનના પોલીસ સ્ટાફને ચોક્કસ બાતમી મળી હતી, કે ગુલાબ નગરમાં રહેતો પ્રિતેશ અશોકભાઈ જાટીયા નામનો વેપારી કૌશલનગર નવા આવાસ પાસે આવેલી પોતાની દ્વારકાધીશ નામની દુકાનમાં ગેરકાયદે રીતે ઇંગ્લિશ દારૂનું વેચાણ કરી રહ્યો છે, જે બાતમીના આધારે ગઈકાલે સીટી એ. ડિવિઝન પોલીસે દરોડો પાડ્યો હતો.

 જે દરોડા દરમિયાન દુકાનમાં સંતાડેલી ઈંગ્લિશ દારૂની 15 નંગ બાટલીઓનો જથ્થો મળી આવ્યો હતો. આથી પોલીસે રૂપિયા 18,700 ની કિંમતનો ઇંગ્લિશ દારૂ કબજે કરી લઇ વેપારીની અટકાયત કરી છે.