જામનગર મહા નગરપાલિકામાં ભાજપ ફરીથી સત્તાના સુકાન સંભાળે તે પ્રકારેના સોદા થતા હોવાની ચર્ચા

Jamnagar Corporation Elections : જામનગર મહા નગરપાલિકાની ચૂંટણીને લઈને રાજકીય માહોલ ગરમાયો છે, અને પરિણામોને લઈને શહેરમાં વિવિધ ચર્ચાઓ જોર પકડી રહી છે. હાલની પરિસ્થિતિમાં સત્તા અંગેના અંદાજ મુજબ ફરી એકવાર ભારતીય જનતા પાર્ટી (ભાજપ) સત્તાનું સુકાન સંભાળે તેવા સંકેતો મળી રહ્યા હોવાનું લોકમુખે ચર્ચાઈ રહ્યું છે.

અનૌપચારિક અંદાજો મુજબ ભાજપને અંદાજે 41 થી 43 બેઠકો મળવાની શક્યતા વ્યક્ત કરવામાં આવી રહી છે. અને એકના ઇવનના ભાવે સોદા થઈ રહ્યા છે જ્યારે 44 કે 45 બેઠક માટેના ડબલ ભાવ પણ મળી રહ્યા હોવાનું ચર્ચાઇ રહ્યું છે. સાથે સાથે પક્ષની અંદર અલગ અલગ પેનલોમાંથી અંદાજે 6 થી 7 પેનલને બહુમતી મળવાની શક્યતા અંગે પણ ચર્ચાઓ ચાલી રહી છે.

આ પ્રકારના અંદાજોને લઈને રાજકીય વર્તુળોમાં ઉત્સુકતા વધતી જઈ રહી છે, જોકે આ તમામ ચર્ચાઓ અનૌપચારિક અને અનુમાન આધારિત હોવાનું માનવામાં આવે છે. સત્તાવાર પરિણામ જાહેર થયા બાદ જ સ્પષ્ટ ચિત્ર સામે આવશે.જામનગરના મતદારોમાં પણ પરિણામોને લઈને ભારે ઉત્સુકતા જોવા મળી રહી છે અને શહેરમાં રાજકીય હલચલ તેજ બની છે.