આર્મી ટ્રક ડ્રાઇવરે ટક્કર મારતા બાઇક ચાલક યુવકનું મોત

અમદાવાદ,બુધવાર

પૂર્વ વિસ્તારમાં બેફામ વાહનો હંકારવાના કારણે અકસ્માતમાં મોત અને હિટ એન્ડ રનના બનાવો વધી રહ્યા છે. ઇન્દીરાબ્રિજ પાસે આર્મી ટ્રકના ડ્રાઇવરે ટક્કર મારતાં બાઇક ચાલક યુવકનું સારવાર દરમિયાન મોત થયું હતું. આ બનાવ અંગે ટ્રાફિક જી ડિવિઝન પોલીસે ગુનો નોેંધીને સીસીટીવી  ફૂટેજ આધારે વધુ તપાસ હાથ ધરી છે.

બેભાન હાલતમાં સિવિલમાં સારવાર દરમિયાન શરીરમાં આંતરીક ઇજાથી ચાર કલાકમાં યુવક મોતને ભેટયો ઃ ટ્રાફિક પોલીસે ગુનો નોંધ્યો

ઇસનપુર વિસ્તારમાં રહેતા આધેડે ટ્રાફિક જી ડિવિઝન પોલીસ સ્ટેશનમાં ફરિયાદ નોંધાવી છે કે તેમનો 23 વર્ષના પુત્ર  ગઇકાલે રાતે બાઇક લઇને ઇન્દીરાબ્રિજ નજીક હાંસોલ સર્કલથી હાંસોલ તલાવડી તરફ બાઇક લઇને જતો હતો. આ સમયે પૂર ઝડપે આવી રહેલા આર્મીના ટ્રકના ડ્રાઇવરે ટક્કર મારતાં બાઇક લઇને જતા ફરિયાદીના પુત્રને ટક્કર મારતાં તેને ગંભીર ઇજા થતાં  બેભાન હાલતમાં સારવાર માટે સિવિલ હોસ્પિટલ લઇને દાખલ કરવામાં આવ્યો હતો જ્યાં સારવાર દરમિયાન મોત થયું હતું. આ ઘટના અંગે ટ્રાફિક પોલીસે સીસીટીવી ફૂટેજ આધારે વધુ તપાસ હાથ ધરી છે.