અમદાવાદ: PCBના કુબેરનગર અને શાહપુરમાં દરોડા,લાખનો દારૂ અને મુદ્દામાલ જપ્ત, બુટલેગરો ફરાર

Ahmedabad PCB Raid: અમદાવાદમાં PCB દ્વારા સરદારનગરના કુબેરનગર અને શાહપુર વિસ્તારમાં દરોડા પાડવામાં આવ્યા હતા. આ દરમિયાન લાખોની કિંમતનો વિદેશી દારૂ, બીયરના ટીન અને દેશી દારૂનો જથ્થો જપ્ત કરવામાં આવ્યો છે. જોકે, બંને કિસ્સામાં મુખ્ય આરોપીઓ પોલીસને થાપ આપી ફરાર થવામાં સફળ રહ્યા છે, જેને પકડવા માટે કાર્યવાહી હાથ ધરવામાં આવી છે.

બે આરોપી ફરાર

મળતી માહિતી અનુસાર, સરદારનગરમાં આવેલા કુબેરનગરમાં એક મકાનમાં PCBએ રેડ કરી હતી. આ દરમિયાન ભારતીય બનાવટના વિદેશી દારૂની બોટલો તેમજ બીયરના ટીન મળી કુલ 301 નંગ મુદ્દામાલ મળ્યો હતો. આ ઉપરાંત 3 મોબાઈલ ફોન સહિત કુલ 2,11,642 રૂપિયાનો મુદ્દામાલ જપ્ત કરવામાં આવ્યો છે. આ ઘટના કુલ બે આરોપી ફરાર છે. જેની દ્ધારપકડ કરવા પોલીસ કાર્યવાહી હાથ ધરી છે. 

આ પણ વાંચો: અમદાવાદના રાણીપમાં પથ્થરમારો: એક જ સમાજના બે જૂથ સામસામે, 6ની અટકાયત

શાહપુર મીઠન સૈયદના છાપરાની પાછળ આવેલા મેટ્રો બ્રિજ નીચે રેડ પાડવામાં આવી હતી. આ દરમિયાન PCBએ 1,70,400 રૂપિયાનો મુદ્દામાલ જપ્ત કર્યો છે. જેમાં 6 પ્લાસ્ટિકના કોથળામાં ભરેલો 102 લીટર દેશી દારૂ, એક ઓટો રિક્ષા સહિતનો મુદ્દામાલ સામેલ છે. મહત્વનું છે કે, આમ રિક્ષા ચાલક ફરાર છે જેની ધરપકડ કરવા માટે તપાસ હાથ ધરવામાં આવી છે.