૨.૬૨ લાખના દારૃ સાથે પકડાયેલો આરોપી રિમાન્ડ પર

વડોદરા,૨.૬૨ લાખના વિદેશી દારૃ સાથે ઝડપાયેલો આરોપી થોડાસમય પહેલા જ જામીન  પર છૂટેલા ગુજસીટોક ગેંગના આરોપી સાથે સંપર્કમાં હોવાની વિગતો જાણવા મળી છે.

બાપોદ પોલીસ  સ્ટેશનના ગુનાનો વોન્ટેડ આરોપી સન્ની ઉર્ફે બાબલો અજીતભાઇ રાજમલ, ઉં.વ.૨૬ (રહે.શક્તિનગર સોસાયટી, આજવારોડ)દારૃની  હેરાફેરી કરતા ઝડપાઇ ગયો હતો.  ને ઝડપી પાડયો હતો.આ દારૃ કિશનવાડીના અજય તડવીએ પોર પાસેથી આપ્યો હતો. અજય કારની આગળ બાઇક લઇને પાયલોટિંગ કરતો હતો. પોલીસે અજય અને કારમાંથી ભાગી ગયેલા વિરેન રાજપૂતને વોન્ટેડ જાહેર કર્યા હતા. પીસીબી પોલીસે આરોપીને કોર્ટમાં રજૂ કરી  રિમાન્ડ લીધા છે. જોકે, હજી આ ગુનામાં મુખ્ય સૂત્રધાર સુધી પોલીસ પહોંચી શકી નથી. પોલીસનું જણાવવું છે કે, હજી કોલ ડિટેલ્સની વિગતો આવી નથી. આરોેપી સન્ની થોડા સમય પહેલા જ ગુજસીટોકના ગુનામાં જામીન પર છૂટેલા આરોપીની સાથે સંપર્કમાં હોવાનું જાણવા મળ્યું છે. પોલીસનું કહેવું છે કે, કોલ ડિટેલ્સ આવ્યા  પછી તેના સંપર્ક સૂત્રો જાણી શકાશે.