રોડની સાઇડમાં ઉભેલી ટ્રકની પાછળ ગાડી ઘુસી જવાથી એક યુવાનનું મૃત્યુ

ચ-૦ સર્કલ પાસે મધરાત્રે અકસ્માત સર્જાયો

ગાંધીનગરના રાયસણમાં રહી નોકરી કરતો રાજસ્થાનનો વતની યુવાન મિત્ર સાથે ઘરે પરત જતો હતો ત્યારે રસ્તે મોત મળ્યું

અકસ્માતના આ બનાવમાં મુળ રાજસ્થાનના ડીડવાણા જિલ્લાના લાડ તાલુકાના છપારા ગામના રહેવાસી અને હાલ ગાંધીનગરના રાયસણ વિસ્તારમાં રહેતા તથા અમદાવાદમાં ખાનગી નોકરી કરતા ૨૧ વષય શુભમ મુલચંદ જાગીડ નામના યુવાનનું મૃત્યુ થયુ હતું. જ્યારે તેના મિત્ર આનંદરાજ ઠાકુરને ઇજાઓ થઇ હતી. આ બનાવ સંબંધે મૃતકના મામા અને વડોદરાના છાણી વિસ્તારમાં ફનચરનું કારખાનુ ધરાવતા તથા કારેલી બાગ વિસ્તારમાં રહેતા ભગીરથભાઇ પ્રહલાદભાઇ જાગીડ દ્વારા નોંધાવવામાં આવેલી ફરિયાદમાં આરોપી તરીકે મૃતક યુવાનના મિત્ર અને ગાડીના ચાલક આનંદરાજ ઠાકુરનું નામ આપવામાં આવ્યું છે. ફરિયાદમાં જણાવવામાં આવ્યા પ્રમાણે મૃતક શુભમ ગત રાત્રે ૧.૧૫ વાગ્યાના અરસામાં ગાડીમાં બેસીને રાયસણ જઇ રહ્યો હતો. ગાડી તેનો મિત્ર ચલાવતો હતો. દરમિયાન ચ ૦ સર્કલ પાસે રોડ સાઇડમાં ઉભેલી આઇસર ટ્રકની પાછળ કાર ઘુસી જતાં સર્જાયેલા અકસ્માતમાં શુભમનું મૃત્યુ થયુ હતું. ફરિયાદના પગલે સેક્ટર ૭ પોલીસ દ્વારા કાયદેસરની કાર્યવાહી કરવામાં આવી હતી.