ડોળીયા ગામે જીઆરડી જવાનના કબ્જામાંથી દારૂનો જથ્થો ઝડપાયો

મહુવા ગ્રામ્ય પોલીસ મથકમાં ગુનો નોંધાયો

પોલીસે બાતમીના આધારે દારૂની ૨૨૫ બોટલ સહિતનો રૂ.૬૦ હજારનો મુદ્દામાલ કબ્જે કર્યો

મહુવા તાલુકાના ડોળીયા ગામે ખારા ખેત વિસ્તારમાં કાનજી રામજીભાઈ મકવાણાએ પોતાના રહેણાંકી મકાનમાં દારૂની બોટલો રાખી વેચાણ કરતો હોવાની બાતમીના આધારે મહુવા ગ્રામ્ય પોલીસે તપાસ કરતા મકાનની દિવાલ પાછળ ખેતરમાં કંતાનના થેલામાં રાખેલી રૂ.૬૦,૭૫૦ની કિંમતની ભારતીય બનાવટની વિદેશી દારૂની ૨૨૫ બોટલ મળી આવતા પોલીસે કાનજી રામજીભાઈ મકવાણાને ઝડપી લઈ પુછપરછ કરતા તે જીઆરડીની નોકરી કરતો હોવાની અને તેને દારૂનો આ જથ્થો તેના ગામના જીવણ સામતભાઈ મકવાણાએ ગત તા.૨૮-૦૯ના રોજ રાત્રિના સમયે કારમાં મોકલાવ્યો હોવાની કબૂલાત આપતા પોલીસે ઉક્ત ત્રણેય વિરૂદ્ધ ગુનો નોંધી આગળની તપાસ હાથ ધરી છે.