જામનગરના ગોકુલ નગર વિસ્તારમાં રહેતો એક શખ્સ પોતાના મોબાઈલ ફોનમાં ક્રિકેટનો સટ્ટો રમતાં પકડાયો; મુખ્ય બુકીનું નામ ખુલ્યું

જામનગરમાં ગોકુલ નગર વિસ્તારમાં રહેતો મોહન ઉર્ફે ભોલો વિરમભાઈ ઓડિચ નામનો શખ્સ પોતાના મોબાઈલ ફોનમાં ભારત અને સાઉથ આફ્રિકા વચ્ચે રમાઈ રહેલી વર્લ્ડ કપની ક્રિકેટ મેચ પર ઓનલાઇન ક્રિકેટનો સટ્ટો રમતાં મળી આવ્યો હતો. સીટી સી ડિવિઝનના પોલીસ સ્ટાફે તેની અટકાયત કરી લઈ તેની પાસેથી રોકડ રકમ અને રૂપિયા 75 હજારની કિંમતનો આઈફોન કબ્જે કરી લીધો છે.

પોલીસને પૂછપરછ દરમિયાન પોતે જામનગરના ચિરાગ વાણંદ નામના બુકી સાથે ક્રિકેટના સોદાની કપાત કરતો હોવાથી પોલીસે તેને ફરારી જાહેર કરી શોધખોળ હાથ ધરી છે.