અમદાવાદ, બુધવાર
પૂર્વ વિસ્તારમાં અસામાજિક તત્વો લોકોમાં ભયનો માહોલ પેદા કરવા લોકો ઉપર હુમલા કરી રહ્યા છે એટલું જ નહી હવે સોશિયલ મિડિયામાં પણ ધાક જમાવવા માટેના પ્રયાસ કરી રહ્યા છે વટવામાં લૂંટ સહિતના ગંભીર ગુના આચરીને પાસા હેઠળ જેલ ભોગવી ચૂકેલા રાજા મેવાતીની ટોળકીએ માફિયા કા મતબલ મેં ઓર મે કા મતલબ માફિયા જેવા શબ્દો તથા ગાળો બોલીને રિગારેટના ધૂમાડા કાઢતો વિડિયોવાળી રિલ્સ ઇન્સ્ટાગ્રામ ઉપર અપલોડ કરી હતી આ બનાવ અંગે વટવા પોલીસે ૧૪ લોકો સામે ગુનો નોેધી વધુ તપાસ હાથ ધરી છેે.
વટવામાં લૂંટ જેવા ગંભીર ગુના આચરી પાસાના આરોપી રાજાએ સિગારેટના ધૂમાડા કાઢતો વિડિયો ઇન્સ્ટાગ્રામ ઉપર અપલોડ કરાતા ૧૪ સામે ફરિયાદ
વટવા પોલીસ સ્ટેશનમાં પીએસઆઇ, જે.કે. રાઠોડે વટવામાં રહેતા ઇકબાલખાન ઉર્ફે રાજા સહિત ૧૪ લોકો સામે ફરિયાદ નોંધાવી છે કે આરોપી સામે વટાવા અને અમદાવાદના વિવિધ પોલીસ સ્ટેનશમાં લૂંટ તથા શરીર સબંધી સહિત અનેક ગુના નોંધાયેલા છે. ત્રણ વર્ષ પહેલા તેની પાસા હેઠળ અટકાયત કરવામાં આવી હતી. આ ઓરોપીએ લોકોમાં ભય તથા ધાકજમવવા માટે જુદા જુદા વિડિયો બનાવીને તેમાં ગાળો તથા અશ્લીલ હરકતો વાળો અને સિગારેટના ધૂમાડા કાઢતા પોતાના મિત્રો સાથે રિલ્સ બનાવીને ઇન્સ્ટાગ્રામ પર ઉપર અપલોડ કર્યા હતા.
રિલ્સમાં રાજા મેવાતીની ટોળકીએ માફિયા કા મતબલ મેં ઓર મે કા મતલબ માફિયા જેવા શબ્દો તથા ગાળો બોલીને વિડિયોવાળી રિલ્સ ઇન્સ્ટાગ્રામ ઉપર વાયરલ કરી હતી આ ઘટના અંગે વટવા પોલીસે ૧૪ માથા ભારે શખ્સો સામે ગુનો નોંધી વધુ તપાસ શરુ કરી છે.
