Jamnagar Crime : જામનગરના બેડી વિસ્તારમાં પારિવારિક ઝઘડાનો બનાવ પોલીસ ચોપડે નોંધાયો છે. ફરિયાદ મુજબ પરિવારના એક સભ્યને મોડા ઘરે આવવા બાબતે ઠપકો આપતાં થયેલા મનદુઃખના કારણે નૌસાદ કાસમ સચડા નામના યુવકે પોતાના સાવકા પિતા કાસમભાઈ સુલેમાનભાઈ સચડા સાથે ઝઘડો કર્યો હતો.
આરોપ છે કે નૌસાદે પારીવારીક કારણોસર ઝગડો કરી ફરિયાદી કાસમભાઈ ઉપર મુઠ વડે હુમલો કરી ડાબા કાન ઉપર ઇજા પહોંચાડી હતી, જેના કારણે ટાંકા લેવા પડ્યા હતા. સાથે જ જાહેરનામાનો ભંગ પણ કરવામાં આવ્યો હોવાનું ફરિયાદમાં જણાવાયું છે.
બેડી મરીન પોલીસ સ્ટેશને ભારતીય ન્યાય સંહિતા-2023ની કલમ 118(1) તથા જી.પી. એક્ટ કલમ 135(1) મુજબ ગુનો નોંધી આરોપીને ઝડપી પાડવા કાર્યવાહી હાથ ધરી છે.
