માત્ર એક માસમાં નવા વાહન ખરીદીમાં 5 ગણો ઉછાળો : 10026 નો ઉમેરો

- વાહનો પરતના જી.એસ.ટી.માં 10 ટકાનો ઘટાડો થતા

- સપ્ટેમ્બરમાં કુલ 2801 ની ખરીદી સામે ઓકટોબરમાં કુલ 10026 નવા વાહનો દોડતા થયા

અગાઉ વાહન ખરીદી પર૨ ૮ ટકા જીએસટી દર લાગુ હતો જેમાં સરકારે સુધારો કરી ૨૯ ટકા એટલે કે ૧૦ ટકા જીએસટી દર ઘટાડતા વાહનોની કિંમતમાં પણ ગાબડુ પડયું હતું અને લોકોએ પણ આ ૧૦ ટકાનો લાભ મેળવવામાં પાછી પાની કરી નહતી. ૧૦ ટકાના ગટાડાની સાથો સાથ દશેરા, દિવાલીના તહેવારોને લઈ અમથી પણ ખરીદી વધતી હોય ભાવનગર જિલ્લામાં આ બેવડા લાભ લેવા ગ્રાહકોથી વાહનોના શોરૂમ ઉભરાયા હતા. આર.ટી.ઓ.ના આકડા મુજબ ગત માસ સપ્ટેમ્બરમાં વિવિદ ટુ વ્હીલ, થ્રી વ્હીલ, ફોર વ્હીલ કે હેવી વાહનો મળી કુલ ૨૮૦૧ વાહનનું રજીસ્ટ્રેશન નોંધાયું હતું જ્યારે જી.એસ.ટી. ઘટતા અને દિવાળીના તહેવારનો સમન્વય થતા ઓકટોબરમાં આ ખરીદી ૧૦૦૨૬ સુધી પહોંચ્યુ ંહતું. આમ માત્ર એક જ મહિનામાં વાહન ખરીદીમાં તેજી નીકળી ૧૦ ગણી વધુ ખરીદી ભાવનગર વાસીઓએ કરી છે. જેમાં સૌથી વધુ ખરીદી થઈ હોય તો તે મોટર સાયકલ સ્કુટરની નોંધાઈ છે. ગત માસમાં ૧૪૮૨ મોટર સાયકલ રજીસ્ટ્રેશન સામે ચાલુ માસમાં ૮૨૫૮ નવા મોટર સાયકલ સ્કુટરની ખરીદી થવા પામી છે. સામાન્ય રીતે નોકરીયાત, ઓફીસ વર્ક કરનારા કે વેપારી માટે મોટર સાયકલ (બાઈક) સ્કુટર મહતમ ઉપયોગી બનતા હોય છે જેને લઈ આ વાહનની કરીદીમાં જબ્બર ઉછાળો જોવા મળ્યો છે.