6 કલાકમાં આણંદના બોરસદમાં 5 ઈંચથી વધુ વરસાદ, 210 તાલુકામાં મેઘરાજાની ધડબડાટી

Gujarat Weather News : ગુજરાતમાં ગાંધીનગરના સ્ટેટ ઇમરજન્સી ઓપરેશન સેન્ટર દ્વારા જાહેર કરવામાં આવેલા તાજા આંકડાઓ મુજબ તારીખ 14-09-2026ના રોજ સવારે 06:00 થી બપોરે 12:00 વાગ્યા સુધીના 6 કલાકના સમયગાળા દરમિયાન ગુજરાતમાં મેઘરાજા મહેરબાન રહ્યા છે. રાજ્યના અનેક જિલ્લાઓમાં સવારથી જ સારો એવો વરસાદ નોંધાયો છે, જેના કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ છે અને વાતાવરણમાં વ્યાપક ઠંડક પ્રસરી ગઈ છે.

બોરસદમાં સૌથી વધુ વરસાદ

આ 6 કલાક દરમિયાન સૌથી વધુ વરસાદ આણંદ જિલ્લાના બોરસદ તાલુકામાં નોંધાયો છે, જ્યાં કુલ 5.24 Inch (133 mm) વરસાદ ખાબક્યો છે. આ ઉપરાંત અમદાવાદ જિલ્લાના ધોળકામાં 4.02 Inch (102 mm) અને વડોદરાના કરજણમાં 3.82 Inch (97 mm) ધોધમાર વરસાદ વરસી ચૂક્યો છે. સવારથી જ અનેક તાલુકાઓમાં મેઘરાજાનું જોર વધવાને કારણે જનજીવન પણ પ્રભાવિત થયું છે.

ચરોતર પ્રદેશમાં ધડબડાટી

રાજ્યના અન્ય પ્રમુખ વિસ્તારોની વાત કરીએ તો, પંચમહાલના ગોધરામાં 3.39 Inch (86 mm), આણંદના તારાપુરમાં 3.07 Inch (78 mm), નવસારીના ગણદેવીમાં 2.91 Inch (74 mm) અને ખેડાના નડિયાદમાં 2.80 Inch (71 mm) વરસાદ નોંધાયો છે. આ સાથે જ ખેડાના માતરમાં 2.72 Inch (69 mm), અરવલ્લીના બાયડ તથા મેઘરજમાં 2.64 Inch (67 mm) તેમજ વડોદરા શહેરમાં 2.56 Inch (65 mm) વરસાદ પડ્યો હોવાના અહેવાલ છે.

અત્ર તત્ર સર્વત્ર વરસાદ….

આ સિવાય ભરૂચના વાગરામાં 2.40 Inch (61 mm), સાબરકાંઠાના હિંમતનગર અને જૂનાગઢના માળીયા હાટીનામાં 2.32 Inch (59 mm), અરવલ્લીના ધનસુરા, અમદાવાદના દસ્ક્રોઈ તથા આણંદના આંકલાવમાં 2.17 Inch (55 mm) જેટલો સારો વરસાદ નોંધાયો છે. રાજ્યના બાકીના તાલુકાઓમાં પણ હળવાથી મધ્યમ સ્વરૂપમાં વરસાદી માહોલ સતત જળવાઈ રહ્યો છે.