ગિરનાર આરોહણ-અવરોહણ સ્પર્ધા-2026: UPની તામસી સિંહ સતત છઠ્ઠી વખત બની ચેમ્પિયન, જાણો પરિણામ

All India Mount Girnar Competition 2026 : જૂનાગઢમાં 18મી અખિલ ભારતીય ગિરનાર આરોહણ-અવરોહણ સ્પર્ધા-2026 આજે રવિવારે (1 ફેબ્રુઆરી) યોજાઈ હતી. આ સ્પર્ધામાં ગિરનારને સર કરવા ચાર કેટેગરીમાં દેશના 12 રાજ્યોના 516 સ્પર્ધકોએ દોટ મૂકી હતી. સ્પર્ધાનું પરિણામ જાહેર કરવામાં આવ્યું છે. જેમાં સતત છઠ્ઠી વખત ઉત્તર પ્રદેશની તામસી સિંહ ગિરનાર આરોહણ-અવરોહણ સ્પર્ધામાં રાષ્ટ્રીય ચેમ્પિયન બની છે.

ઉત્તર પ્રદેશની તામસી સિંહ સતત છઠ્ઠી વખત બની ચેમ્પિયન

જૂનાગઢના ભવનાથમાં યોજાયેલી ગિરનાર આરોહણ-અવરોહણ સ્પર્ધાની વહેલી સવારે 6 વાગ્યે શરુઆત કરવામાં આવી હતી. જેમાં જુનિયર-સિનિયર એમ મહિલા-પુરુષ એમ ચાર કેટેગરીમાં સ્પર્ધા યોજાઈ હતી. જેમાં ઉત્તર પ્રદેશની તામસી સિંહે મહિલાની સિનિયર સ્પર્ધામાં પહેલા સ્થાને રહી છે. તામસી છેલ્લા 5 વર્ષથી સતત ચેમ્પિયન બનતી આવી છે.

તમને જણાવી દઈએ કે, તામસીએ 5 વર્ષ પહેલા આ સ્પર્ધામાં જુનિયર કેટેગરીથી શરુઆત કરી હતી. ત્યારથી તે રાષ્ટ્રીય કક્ષાએ પ્રથમ વિજેતા રહી છે. 

સ્પર્ધાનું પરિણામ જાહેર 

ગિરનાર આરોહણ અવરોહણ સ્પર્ધાનું પરિણામ પારદર્શક રીતે તૈયાર કરવા માટે ટૅક્નોલૉજીનો ઉપયોગ કરવામાં આવી રહ્યો છે. જેમાં આરએફઆઇડી ટૅક્નોલૉજી અને અદ્યતન સોફ્ટવેરના માધ્યમથી સંપૂર્ણ રીતે પારદર્શિતા સાથે પરિણામ જાહેર કરવામાં આવ્યું છે.

આ પણ વાંચો: વડોદરા મેરેથોનમાં 1 લાખથી વધુ દોડવીરો જોડાયા, નશામુક્તિના શપથ અને પર્યાવરણ બચાવવાનો અનોખો સંદેશ

પુરુષ-સિનિયર સ્પર્ધકોનું પરિણામ(5500 પગથિયા ચડી અને ઉતરીને સ્પર્ધા જીતી)

વસાવા અનિલ - 58.16 મિનિટ 

ઈન્દ્રેસ વસાવા - 59.16 મિનિટ 

વિગ્નેશ ભગવતી - 60.19 મિનિટ 

મહિલા-સિનિયર સ્પર્ધકોનું પરિણામ(2200 પગથિયા ચડી અને ઉતરીને સ્પર્ધા જીતી)

તામસી સિંહે - 32.14 મિનિટ 

નેહા મિશ્રા - 38.55 મિનિટ 

કાજલ વેગડા - 39.26 મિનિટ

પુરુષ-જુનિયર સ્પર્ધકોનું પરિણામ

દીવાકર રાજભર - 60.52 મિનિટ 

વિમલ વણઝારા - 64.10 મિનિટ 

અંકુર - 65.19 મિનિટ 

મહિલા-જુનિયર સ્પર્ધકોનું પરિણામ

બંધન યાદવ - 37.20 મિનિટ 

કટેશીયા અસ્મિતા - 37.36 મિનિટ 

સોલંકી કાજલ - 38.67 મિનિટ