VIDEO: 'વધારે પડતું બોલી રહ્યો છું તું..', આલિયા ભટ્ટ અને વિકી કૌશલની હાજરીમાં રણબીર કપૂરે પિત્તો ગુમાવ્યો

Ranbir Kapoor Viral Video: બહુચર્ચિત ફિલ્મ 'લવ એન્ડ વોર'ની રિલીઝ પહેલા, શનિવાર રાત્રે (26 સપ્ટેમ્બર) અભિનેતા રણબીર કપૂર, આલિયા ભટ્ટ, વિકી કૌશલ અને ફિલ્મમેકર સંજય લીલા ભણસાલી એકસાથે જોવા મળ્યા. જ્યારે આ ચારેય પપારાઝી માટે પોઝ આપી રહ્યા હતા, ત્યારે રણબીર અને એક ફોટોગ્રાફર વચ્ચેની એક ક્ષણ સોશિયલ મીડિયા પર ચર્ચાનો વિષય બની ગઈ અને તેના વીડિયો વાઈરલ થઈ રહ્યા છે.

મુંબઈના એક રેસ્ટોરન્ટ બહાર સંજય લીલા ભણસાલી સાથે ગ્રુપ ફોટો

આ તમામ એક્ટર્સ મુંબઈમાં એક રેસ્ટોરન્ટની બહાર ભણસાલી સાથે પોઝ આપતા જોવા મળ્યા. એક સમયે, ફિલ્મમેકર ફ્રેમમાંથી હટતા જોવા મળ્યા જેથી રણબીર, આલિયા અને વિકી એકસાથે પોઝ આપી શકે. જોકે, રણબીરે ભણસાલીને તેમની સાથે જોડાવા માટે કહ્યું, અને ડિરેક્ટર ગ્રુપ ફોટો માટે પાછા આવી ગયા.

ફોટોગ્રાફર પર રણબીર કપૂર ગુસ્સે થયા અને આલિયાને ભીડથી બચાવી

ફોટો સેશન પૂરું થયા પછી, ટીમ ત્યાંથી જવા લાગી. જ્યારે રણબીર જઈ રહ્યા હતા, ત્યારે એક ફોટોગ્રાફરને વારંવાર તેમને બોલાવતો અને આલિયા અને વિકી સાથે પોઝ આપવા માટે કહેતો સાંભળવામાં આવ્યો. ત્યારે એક્ટર વળ્યા અને બોલ્યા, 'તું બહુ બોલી રહ્યો છે, ખરું ને?' આ દરમિયાન રણબીર કપૂર, આલિયા ભટ્ટને ત્યાં હાજર લોકોથી બચાવવાનો પ્રયાસ પણ કરતા જોવા મળે છે.

આલિયા-વિકીનો રેમ્પ વોક

આ આઉટિંગ માટે, રણબીરે બ્લેક જીન્સ સાથે ઓલિવ-ગ્રીન શોર્ટ કુર્તો પહેર્યો હતો, જ્યારે આલિયા પીળા રંગના આઉટફિટમાં જોવા મળી. વિકીએ સફેદ શર્ટ અને કાળું ટ્રાઉઝર પહેરીને પોતાનો લુક સિમ્પલ રાખ્યો. આ આઉટિંગ 'લવ એન્ડ વોર' માટે એક મહત્ત્વપૂર્ણ સમયે થઈ છે, કારણ કે મેકર્સે આ જ અઠવાડિયે ફિલ્મના ત્રણ 'ફર્સ્ટ-લુક' પોસ્ટર રિલીઝ કર્યા છે. શનિવાર રાત્રે આલિયા અને વિકીએ મનીષ મલ્હોત્રા માટે રેમ્પ વોક પણ કર્યું હતું.

સલમાન ખાને બિગ બોસમાં પાપારાઝીની કામ કરવાની રીતનો વિરોધ કર્યો

ઉલ્લેખનીય છે કે ગઈકાલે બિગ બોસના 'વીકેન્ડ કા વાર'માં સલમાન ખાને પાપારાઝીના કામ કરવાની રીત અને તેમની માનસિકતા પર કડક વાંધો ઉઠાવ્યો હતો. તેમણે કહ્યું કે ગાડીઓમાંથી ઉતરતી-બેસતી વખતે અભિનેત્રીના ખોટા એંગલથી ફોટો-વીડિયો લેવામાં આવે છે, જેને કોઈ પણ મહિલા પસંદ કરતી નથી.

'લવ એન્ડ વોર' ફિલ્મની રિલીઝ ડેટ

સંજય લીલા ભણસાલી દ્વારા નિર્દેશિત 'લવ એન્ડ વોર'માં સુપ્રિયા પાઠક પણ મહત્ત્વની ભૂમિકામાં છે. ફિલ્મની વાર્તા ભણસાલી અને ઈલા બેદી દત્તાએ લખી છે. મીડિયા રિપોર્ટ્સ અનુસાર, વાર્તા બે મજબૂત ઈરાદાવાળા આર્મી ઓફિસર્સની આસપાસ ફરે છે, જેમની જિંદગી એક મહિલા સાથે જોડાઈ જાય છે, જેનાથી એક ગૂંચવાયેલો લવ ટ્રાયેંગલ બને છે. 'લવ એન્ડ વોર' 21 જાન્યુઆરી, 2027ના રોજ સિનેમાઘરોમાં રિલીઝ થવાની છે.