- ટોક્સિકની રીલિઝ ડેટ બદલાતાં સંકટ સર્જાયું હતું
- હૈ જવાની તો ઈશ્ક હોના હી થા હવે પાંચને બદલે 12મી જૂને રીલિઝ કરાશે
મુંબઇ : આખરે 'ટોક્સિક'ની રીલિઝ ડેટ બદલાવાના કારણે વરુણ ધવન તથા મૃણાલ ઠાકુરની ફિલ્મ 'હૈ જવાની તો ઈશ્ક હોના હી થા'ને પણ પાછળ ધકેલવી પડી છે.
આ ફિલ્મ પાંચમીને બદલે હવે તા. ૧૨મી જૂને રજૂ થશે.
'ટોક્સિક' આ મહિને રીલિઝ થવાની હતી. પરંતુ, 'ધુરંધર ટુ ' સાથે ક્લેશ ટાળવા તેને પાછળ ઠેલાઈ હતી. તે વખતે જ વરુણની ફિલ્મના નિર્માતા રમેશ તૌરાણીએ એમ કહીને રોષ વ્યક્ત કર્યો હતો કે ઈન્ડસ્ટ્રીમાં કોઈ ફિલ્મની રીલિઝ ડેટ પહેલેથી નક્કી થઈ ગઈ હોય અને બીજા નિર્માતા એ જ દિવસે પોતાની ફિલ્મ રજૂ કરવા ધારે તો તે પહેલેથી તારીખ જાહેર કરનારા નિર્માતા સાથે સંતલસ કરે છે. પરંતુ 'ટોક્સિક'ના નિર્માતાઓએ આવું કોઈ સૌજન્ય દાખવ્યું નથી.
દેખીતી રીતે જ વરુણ ધવન કરતાં યશનું ફેન ફોલોઇંગ ક્યાંય વધારે હોવાથી યશની 'ટોક્સિક' સામે વરુણની ફિલ્મ ટકી શકે તેમ નથી. આથી, આ ફિલ્મને એક સપ્તાહ પાછળ ઠેલવામાં આવી છે. જોકે, તેના કારણે પણ તેને કેટલો ફાયદો થશે તે કહેવુું મુશ્કેલ છે.
