નેશનલ એવોર્ડ વિજેતા ફિલ્મ શ્રીકાન્તના સર્જકો રગડા 25 ફિલ્મ બનાવશે

• ઇન્ડિયન આર્મીની પ્રથમ મહિલા બેચ વિશે ફિલ્મ બનશે
• મુખ્ય હિરોઇન નક્કી થતાં જ ચેન્નાઇમાં એક જ સ્થળે આખી ફિલ્મનું શૂટિંગ કરી લેવામાં આવશે

મુંબઇ : ૭૨મા નેશનલ ફિલ્મ એવોર્ડમાં બેસ્ટ હિન્દી ફિચર ફિલ્મનો એવોર્ડ જીતનારી 'શ્રીકાન્ત' ફિલ્મના નિર્માતાઓએ ભારતીય લશ્કરમાં ભરતી થનારી પ્રથમ મહિલા બેચ વિશે 'રગડા ૨૫' નામની ફિલ્મ બનાવવાની જાહેરાત કરી છે.
આ ફિલ્મ બિનઅનુભવી ૨૫ મહિલાઓ વિશે છે જે લશ્કરમાં જોડાવાનું સ્વપ્ન જુએ છે. આ પ્રયોગાત્મક બેચમાં શરત રખાઇ હતી કે એકપણ મહિલા નિષ્ફળ જશે તો મહિલાઓ માટે લશ્કરમાં જોડાવાના દરવાજા કાયમ માટે બંધ થઇ જશે.
આ બેચમાં પ્રથમ આવેલી અંજના ભદોરિયા પાસેથી લાઇફ રાઇટ્સ મેળવી લેવામાં આવ્યા છે. લશ્કરે આ ફિલ્મની પટકથાને મંજૂરી આપી દીધી છે. કાસ્ટિંગ પણ એક મુખ્ય હિરોઇનને બાદ કરતાં નક્કી થઇ ગયું છે.
મુખ્ય હિરોઇન નક્કી થતાં જ ચેન્નાઇમાં એક જ સ્થળે આ ફિલ્મનું શૂટિંગ કરી લેવામાં આવશે.
બીજી બે બાયોપિક પર પઁણ કામ ચાલી રહ્યું છે તેમ પ્રોડયુસર તુષાર હિરાનંદાની તથા નિધિ પરમારે જાહેર કર્યું હતું.