બંદિશ બેન્ડિટની શ્રેયા ચૌધરી હવે આયુષમાનની હિરોઈન બની

• શ્રેયા મુપાપા ફિલ્મમાં લીડ હિરોઈન તરીકે

મુંબઇ : શ્રેયા ચૌધરી આયુષમાન ખુરાનાની આગામી થ્રીલર ફિલ્મ 'મુપાપા'માં તેની હિરોઇન બની છે. શ્રેયાએ 'બંદિશ બેન્ડિટ' નામની વેબ સીરિઝને લીધે જાણીતી છે. તેણે 'મહેતા બોયઝ' નામની ફિલ્મમાં પણ બમન ઇરાની સાથે કામ કર્યું છે. આ ફિલ્મનું શૂટિંગ થઈ ચૂક્યું છે. હાલ તેનું પોસ્ટ પ્રોડક્શન ચાલી રહ્યું છે. ફિલ્મ આગામી ફેબુ્રઆરીમાં રીલિઝ થવાની શક્યતા છે.
પાછલાં વર્ષોમાં ઓટીટી પ્રોજેક્ટસથી સફળતા મેળવ્યા બાદ મેઈન સ્ટ્રીમની બોલિવુડ ફિલ્મોમાં તક મળી હોય એવા અનેક કલાકારો ઉભરી આવ્યા છે. તૃપ્તિ ડિમરી તથા વામિકા ગબ્બીએ પણ શરુઆતમાં મોટાભાગે ઓટીટી પ્રોજેક્ટસ દ્વારા જ સફળતા મેળવી હતી.
સમીર સક્સેનાએ મુપાપા ફિલ્મનું નિર્દેશન કર્યું છે. આ ફિલ્મનું નિર્માણ યશરાજ ફિલ્મ્સ અને પોશામ પા પિકચર્સ દ્વારા કરવામાં આવ્યું છે. આ ફિલ્મ બંને વચ્ચેનું પ્રથમ સહિયારું નિર્માણ છે.