માત્ર 72 જ કલાકમાં રૂ.100 કરોડના ક્લબમાં સામેલ થઈ ધુરંધર ફિલ્મ! રણવીર સિંહ-અક્ષય ખન્નાએ બોક્સ ઓફિસ ગજવ્યું

Dhurandhar 100 Crore Club: રણવીર સિંહ અને ડાયરેક્ટર આદિત્ય ધરની ધમાકેદાર ફિલ્મે બોક્સ ઓફિસ પર ધૂમ મચાવી દીધી છે! વીકએન્ડમાં 'ધુરંધર'એ માત્ર જોરદાર શરૂઆત જ નથી કરી, પરંતુ આ વર્ષની સૌથી વધુ કમાણી કરનારી ફિલ્મ બનવાની રેસમાં પણ પોતાની જગ્યા પાક્કી કરી લીધી છે.

માત્ર 3 દિવસમાં જ ₹100 કરોડના ક્લબમાં સામેલ

શરૂઆતી આંકડાઓ પ્રમાણે, ફિલ્મે રવિવારના દિવસે ₹40 થી ₹42 કરોડની વચ્ચે કમાણી કરીને હતી. સૌથી મહત્ત્વની વાત એ છે કે, 'ધુરંધર'એ માત્ર 3 દિવસમાં જ ₹100 કરોડનો આંકડો પાર કરી દીધો છે. 

રણવીર સિંહની જબરદસ્ત ફેન ફોલોઇંગ અને આદિત્ય ધરની કમાલની સ્ટોરીટેલિંગનો પ્રભાવ બોક્સ ઓફિસ પર સ્પષ્ટપણે જોવા મળી રહ્યો છે. આ ઉપરાંત, ફિલ્મમાં રણવીર સિંહ સાથે સંજય દત્ત, અર્જુન રામપાલ, આર. માધવન અને અક્ષય ખન્ના જેવા દિગ્ગજ કલાકારોની હાજરી પણ ફિલ્મને વિશેષ બનાવે છે.

વીકડેઝ માટે પણ જબરદસ્ત પ્રી-સેલ્સ

'ધુરંધર'ના વીકએન્ડનો ટ્રેન્ડ પણ અદ્ભુત રહ્યો છે. ફિલ્મે પહેલા દિવસે લગભગ ₹28 કરોડની કમાણી કરી હતી, પરંતુ રવિવાર સુધીમાં આ આંકડો વધીને ₹40 કરોડ સુધી પહોંચી ગયો, જે એક મોટી છલાંગ દર્શાવે છે.

ત્રણ દિવસમાં આટલી મજબૂત ગ્રોથે સ્પષ્ટ કરી દીધું છે કે ફિલ્મ માત્ર ઓપનિંગ વીકએન્ડ સુધી સીમિત નહીં રહે, પરંતુ આવનારા દિવસોમાં સારી કમાણી કરશે. સામાન્ય રીતે મોટી ફિલ્મોની સાચી પરીક્ષા સોમવારે થાય છે, પરંતુ 'ધુરંધર'એ આ મામલે પણ પોતાની ધાક જમાવી દીધી છે. સોમવારની પ્રી-સેલ્સ પહેલેથી જ જબરદસ્ત તેજીમાં છે, જેનાથી સ્પષ્ટ છે કે વીકડેઝમાં પણ ફિલ્મ મજબૂત પકડ જાળવી રાખશે. 

આ પણ વાંચો: VIDEO: ધર્મેન્દ્રને યાદ કરી રડી પડ્યો સલમાન ખાન, કહ્યું- મેં જીવનમાં માત્ર તેમને જ ફૉલો કર્યા

વર્ષની સૌથી મોટી બ્લોકબસ્ટર બનવાની રેસમાં મોખરે

₹100 કરોડ ક્લબમાં એન્ટ્રી કર્યા બાદ એવી અપેક્ષા છે કે ક્રિસમસ 2025 સુધી આ ફિલ્મ થિયેટરોમાં મજબૂત પકડ જાળવી રાખશે અને રજાઓના કારણે કમાણીમાં વધુ વધારો થશે. રણવીર સિંહના દમદાર એક્શન, આદિત્ય ધરનું શાનદાર ડાયરેકશન અને બેસ્ટ સિનેમેટિક પ્રેઝન્ટેશન દર્શકોને ખેંચી લાવ્યા છે, જેના કારણે સ્ટોરી, મ્યુઝિક અને સ્કેલને લઈને સોશિયલ મીડિયા પર પોઝીટીવ રિસ્પોન્સ મળી રહ્યા છે. જેના કારણે આવનારા દિવસોમાં આ ફિલ્મ ઘણા રેકોર્ડ તોડીને વર્ષની સૌથી મોટી બ્લોકબસ્ટર બનવાની રેસમાં મોખરે છે.