હોરર ફિલ્મ વિષકન્યામાં રાજકુમાર રાવ સાથે પ્રતિભા રંટાની જોડી

• આ ફિલ્મનું નિર્દેશન સુખી ફેમ સોનલ જોશી કરશે
• લાપતા લેડિઝથી ફિલ્મજગતમાં પ્રવેશેલી પ્રતિભા રન્ટા વિષકન્યાનું મુખ્ય પાત્ર ભજવશે

મુંબઇ : ધર્મા પ્રોડક્શન્સની ફેન્ટસી હોરર ફિલ્મમાં રાજકુમાર રાવ અને પ્રતિભા રંટાની મુખ્ય ભૂમિકા ભજવવા માટે પસંદગી કરવામાં આવી છે.
લાપતા લેડિઝ ફિલ્મથી ફિલ્મ જગતમાં પ્રવેશેલી પ્રતિભા રંટા આ ફિલ્મમાં વિષકન્યાની મુખ્ય ભૂમિકા ભજવશે. આ ફિલ્મનું નિર્દેશન ૨૦૨૩માં 'સુખી' ફિલ્મનું નિર્દેશન કરી ફિલ્મ નિર્દેશિકા બનેલી સોનલ જોશી કરશે. સોનલ જોશીએ 'ધૂમ ૩' અને 'તમાશા' જેવી ફિલ્મોમાં પણ કામ કર્યું છે. આ ફિલ્મનું શૂટિંગ ૨૦૨૬ના અંતમાં શરૂ કરી દેવાશે. રાજકુમાર રાવે ધર્મા પ્રોડક્શન્સની 'મિસ્ટર એન્ડ મિસિસ માહિ'માં ૨૦૨૪માં કામ કર્યું હતું. આ જ રીતે પ્રતિભા રંટાએ પણ ધર્મા પ્રોડક્શન્સની 'એક્યુઝડ'માં કામ કર્યું છે જે ફેબુ્રઆરી ૨૦૨૬માં ઓટીટી પર રજૂ થઇ હતી.