પરિણીતી ચોપરા અને રાઘવ ચઢ્ઢાના ઘરે પુત્રનો જન્મ, અભિનેત્રીએ આપી ખુશખબર

Parineeti -Raghav Welcomes Baby Boy: બોલિવૂડ અભિનેત્રી પરિણીતી ચોપરા અને તેના પતિ રાઘવ ચઢ્ઢાના ઘરે પારણું બંધાયું છે. પરિણીતીએ રવિવારે (19મી ઑક્ટોબર) એક પુત્રને જન્મ આપ્યો છે, અને માતા બનવાની ખુશખબર તેણે પોતે સોશિયલ મીડિયા દ્વારા તેના ચાહકો સાથે શેર કરી છે.

અભિનેત્રી અને આમ આદમી પાર્ટીના નેતા રાઘવ ચઢ્ઢાએ સંયુક્ત રીતે તેમના ઇન્સ્ટાગ્રામ એકાઉન્ટ પર એક હૃદયસ્પર્શી પોસ્ટ શેર કરીને આ આનંદ વ્યક્ત કર્યો હતો. તેમાં લખ્યું, 'તે આખરે અહીં છે, અમારો બેબી બોય અને અમારા હૃદય ખુશીથી છલકાઈ રહ્યા છે. અમે એકબીજા સાથે હતા, હવે અમારી પાસે બધું જ છે.'

આ પણ વાંચો: ડેટિંગ એપ પર પ્રેમ શોધતી અભિનેત્રી, વિદેશી છોકરાઓએ ફરિયાદ કરી તો બ્લોક કરાઈ

નોંધનીય છે કે, પરિણીતી અને રાઘવ ચઢ્ઢા ગયા વર્ષે સપ્ટેમ્બરમાં લગ્નના બંધને બંધાયા હતા. તેમના લગ્ન રાજસ્થાનના ઉદયપુરમાં ભવ્ય સમારોહમાં થયા હતા. લગ્ન પછી તરત જ પરિણીતીની પ્રેગ્નન્સીના સમાચાર આવ્યા હતા. પુત્રના જન્મ બાદ બોલિવૂડ જગત અને રાજકીય ક્ષેત્રના મહાનુભાવો તેમજ ચાહકો તરફથી આ નવા યુગલને અભિનંદન મળી રહ્યા છે.