પૈસા ખતમ, 6 મહિનામાં બધી સેવિંગ્સ સાફ: આ એક્ટ્રેસ ભારત છોડવાની હતી ને કરણ જોહરે બદલી કિસ્મત!

Karan Johar Revived Anjali Career: બોલિવૂડમાં પોતાના મોટા ડેબ્યૂ પહેલાં કામ માટે તરસતી અભિનેત્રી અંજલિ આનંદે પોતાના જીવનના સૌથી કપરા સંઘર્ષનો ખુલાસો કર્યો છે. આર્થિક તંગી અને કામ ન મળવાને કારણે તેઓ એક્ટિંગની દુનિયા કાયમ માટે છોડવાની અણી પર આવી પહોંચ્યા હતા. જાણીતા ફિલ્મમેકર અને કોરિયોગ્રાફર ફરાહ ખાન પોતાના નવા યુટ્યુબ વ્લોગ માટે મુંબઈ સ્થિત અંજલિ આનંદના ઘરે પહોંચ્યા હતા, જ્યાં વાતચીત દરમિયાન અંજલિએ પોતાના સંઘર્ષ અને કરણ જોહરની ફિલ્મ ‘રોકી ઔર રાની કી પ્રેમ કહાની’માં કેવી રીતે એન્ટ્રી થઈ તેની કહાની જણાવી હતી.

સંપૂર્ણ બચત ખતમ થઈ ગઈ, ભારત છોડવાનો વિચાર આવ્યો

ફરાહ ખાનના સવાલનો જવાબ આપતાં અંજલિ આનંદે જણાવ્યું કે:

• વર્ષ 2020 તેમના જીવનનો સૌથી ખરાબ અને પીડાદાયક તબક્કો હતો.
• લોકડાઉન દરમિયાન ફિલ્મોમાં કોઈ કામ નહોતું મળી રહ્યું અને હાથ પરના તમામ પૈસા ખતમ થઈ ગયા હતા.
• માત્ર 6 મહિનાના ગાળામાં તેમની આજીવન બચત પૂરી થઈ ગઈ હતી, જેના લીધે તેઓ ભારત અને અભિનય ક્ષેત્ર બંનેને કાયમ માટે છોડી દેવાનો ગંભીર વિચાર કરી રહ્યા હતા.

વજન ઘટાડવાના ટોણા અને ઓડિશનમાં મળી સફળતા

અંજલિએ જણાવ્યું કે આ મુશ્કેલ સમયમાં તેમના મિત્રો તેમને ગોવા લઈ ગયા હતા. તે દરમિયાન કાસ્ટિંગ ડિરેક્ટર શાનૂ શર્માનો મેસેજ આવ્યો હતો. અંજલિ જ્યારે પણ શાનૂને મળતી ત્યારે શાનૂ કહેતી કે વજન ઓછું કર તો કંઈક વિચારાય. કરણ જોહરને મળવા અંગે તેમની માતાને પણ શંકા હતી; માતાએ મજાકમાં કહ્યું હતું કે, "મોટી કરણ જોહરને મળવાવાળી આવી, એ તને કેમ મળશે?"

જોકે, કરણ જોહરને અંજલિની તસવીરો અને ઓડિશન ખૂબ પસંદ આવ્યા હતા. આ રીતે તેમને રણવીર સિંહ અને આલિયા ભટ્ટ અભિનીત ફિલ્મ ‘રોકી ઔર રાની કી પ્રેમ કહાની’માં ગાયત્રી રંધાવાના રોલ માટે પસંદ કરવામાં આવ્યા અને આ ફિલ્મે તેમની આખી કરિયર અને નસીબ બદલી નાખ્યું.