કિન્નર હોવાના આરોપ લાગતા ટ્રોલર્સ પર ભડકી અભિનેત્રી, બોલ્ડ પર્સનાલિટી માટે છે જાણીતી

Urfi Javed Trolling : અતરાંગી ફેશન અને બોલ્ડ અંદાજ: અભિનેત્રી ઉર્ફી જાવેદ હંમેશા પોતાની અફાટ ફેશન સેન્સ અને બોલ્ડ પર્સનાલિટી માટે જાણીતી છે, જે દરેક મુદ્દે પોતાનું સ્પષ્ટ મંતવ્ય રજૂ કરે છે.પોતાના રિવિલિંગ કપડાં અને બોલ્ડનેસને કારણે ઉર્ફીને અવારનવાર ભારે ટ્રોલિંગનો સામનો કરવો પડે છે, જેમાં તેના પર ધર્મ પરિવર્તન જેવા ગંભીર આરોપો પણ લાગી ચૂક્યા છે. તાજેતરમાં 'ધ અર્શી ટૉક શો' (The Arshi Talk Show) માં હાજરી આપીને ઉર્ફીએ પોતાની પર થતી ટ્રોલિંગ અને વિવાદો વિશે ખુલીને વાતચીત કરી હતી.

શો દરમિયાન ઉર્ફીએ જણાવ્યું કે એક વ્યક્તિએ તેમની ઓળખ પર જ સવાલ ઉઠાવતા દાવો કર્યો હતો કે ઉર્ફી જાવેદ ટ્રાન્સજેન્ડર (કિન્નર) છે. ટ્રોલર્સ વિશે વાત કરતા ઉર્ફીએ સ્પષ્ટ કહ્યું કે જે લોકોને તે ઓળખતી નથી અને જેમને તે કંઈ ગણતી નથી, તેમની વાતો સાંભળવાનો કોઈ સવાલ જ નથી. ઇન્ટરનેટ પર બેસીને અંકલ-આંટી કંઈ પણ બોલતા હોય છે. ઉર્ફીએ આકરા પ્રહાર કરતા કહ્યું કે આ લોકો એવી રીતે વાત કરે છે જાણે તેમણે જ તેમને જન્મ આપ્યો હોય. આ તમામ ટ્રોલિંગની પરવા કર્યા વગર ઉર્ફી હંમેશા પોતાની શરતો પર જ જીવન જીવે છે. (All Image Uorfi Instagram)