રેસ રીબૂટમાં આમિરખાન, સિદ્ધાર્થ મલ્હોત્રા અને ટાઇગર શ્રોફ

• રમેશ તૌરાણીએ પ્રિ-પ્રોડકશન વર્ક શરૂ કર્યું
• આમિરખાનને પટકથા ગમી છે પણ હજી તેણે આખરી મંજૂરી આપી નથી

મુંબઈ : લોકપ્રિય એક્શન થ્રીલર 'રેસ'ની ફ્રેન્ચાઇઝની આગામી ફિલ્મ માટે આમિરખાને નિર્માતા રમેશ તૌરાણી સાથે વાતચીત શરૂ કરી છે. ફિલ્મની પટકથા આમિરખાનને ગમી છે. તેના ઉપરાંત સિદ્ધાર્થ મલ્હોત્રા અને ટાઇગર શ્રોફે પણ આ પટકથા સાંભળી છે અને તેમને પણ આ પટકથા ગમી છે.
સૂત્રોના જણાવ્યા અનુસાર આમિરખાનને પટકથા ગમતાં તે તેના લેખકો સાથે મળી તેને ડેવલપ કરવાનું કામ કરી રહ્યો છે. તેને લાગે છે કે 'રેસ' ફ્રેન્ચાઇઝ માટે આ નવી ફિલ્મ અનોખી બની શકે તેમ છે.
આ ફિલ્મનું નિર્દેશન વિજય કૃષ્ણ આચાર્ય કરવાના છે.
આમિર રેસ કરવા આતુર છે પણ તેની ઇચ્છા અનુસાર પટકથા બરાબર આકાર લે તે પછી તે આ બાબતે આખરી નિર્ણય લેશે તેમ સૂત્રોએ જણાવ્યું હતું. નિર્માતા રમેશ તૌરાણીએ ફિલ્મના પ્રિ-પ્રોડકશન પર કામ પણ શરૂ કરી દીધું છે. હાલ તો ફિલ્મ આઇડિયાના તબક્કે છે પણ કાસ્ટની યોગ્ય સમયે જાહેરાત કરવામાં આવશે.