બ્રિક્સ અધ્યક્ષતા 2026: અમદાવાદમાં પરંપરાગત રમતોના માધ્યમથી સાંસ્કૃતિક આદાન-પ્રદાન

ભારતની બ્રિક્સ અધ્યક્ષતા 2026 હેઠળ 12 અને 13 ઓક્ટોબર 2026 ના રોજ અમદાવાદના વીર સાવરકર સ્પોર્ટ્સ કમ્પ્લેક્સ ખાતે બ્રિક્સ પરંપરાગત અને સ્વદેશી રમતો પ્રદર્શન ગેમ્સ 2026 નું આયોજન કરવામાં આવશે. કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયા આ કાર્યક્રમનું ઉદ્ઘાટન કરશે. આ કાર્યક્રમનું આયોજન કેન્દ્રીય યુવા બાબતો અને રમતગમત મંત્રાલય દ્વારા ગુજરાત સરકારના સહયોગથી કરવામાં આવી રહ્યું છે.

આયોજન અને સહભાગી દેશો 

આ રમતગમતમાં વિવિધ દેશોની પરંપરાગત અને દેશી રમતોનું પ્રદર્શન કરવામાં આવશે, જેનો મુખ્ય ઉદ્દેશ્ય સાંસ્કૃતિક આદાન-પ્રદાન અને રમતગમત વારસાનું જતન કરવાનો છે. બ્રિક્સના સભ્ય અને ભાગીદાર દેશોના આશરે 2,000 રમતવીરો, અધિકારીઓ અને પ્રતિનિધિઓ ભાગ લેશે.

• ભાગ લેનાર મુખ્ય દેશો: ભારત, ચીન, રશિયા, ઈરાન, બોલિવિયા, બેલારુસ, ઈથોપિયા, દક્ષિણ આફ્રિકા, બ્રાઝિલ અને કઝાકિસ્તાન. 

પ્રદર્શિત થનારી મુખ્ય રમતો 

ભારતનું પ્રદર્શન

• મલ્લખંભ: પોલ (થાંભલા) કે દોરડા પર કરવામાં આવતી પરંપરાગત ભારતીય રમત.
• યોગાસન: યોગના આસનોનું પ્રદર્શન.
• કલરીપયટ્ટુ: કેરળ રાજ્ય સાથે સંકળાયેલી પ્રાચીન ભારતીય માર્શલ આર્ટ.

અન્ય દેશોનું પ્રદર્શન

• વુશુ: ચીનની પરંપરાગત માર્શલ આર્ટ્સનો સમૂહ.
• કેપોએરા: બ્રાઝિલિયન માર્શલ આર્ટ જે સંગીત, ડાન્સ અને મૂવમેન્ટ્સનું મિશ્રણ છે.
• સામ્બો: સોવિયેત યુનિયન (રશિયા) માં ઉદ્ભવેલી માર્શલ આર્ટ અને કોમ્બેટ સ્પોર્ટ.

પરીક્ષાલક્ષી પ્રશ્ન 

પ્રશ્ન 1: બ્રિક્સ પરંપરાગત અને સ્વદેશી રમતો પ્રદર્શન ગેમ્સ 2026નું આયોજન કયા કરવામાં આવશે?

(A) દિલ્લી
(B) મુંબઈ
(C) અમદાવાદ
(D) બેંગલુરુ