એશિયન ગેમ્સ 2026: ભારતે 85 મેડલ સાથે 4થું સ્થાન મેળવ્યું, 21 ગોલ્ડનો સમાવેશ

20મી એશિયન ગેમ્સનું આયોજન જાપાનના આઈચી-નાગોયા ખાતે 19 સપ્ટેમ્બરથી 4 ઑક્ટોબર 2026 દરમિયાન કરવામાં આવ્યું હતું, જેમાં એશિયા ખંડના કુલ 46 દેશોએ ભાગ લીધો હતો. આંતરરાષ્ટ્રીય સ્તરની આ સ્પર્ધામાં ભારતે ઉત્કૃષ્ટ પ્રદર્શન કરતા કુલ 85 મેડલ જીતીને મેડલ ટેલીમાં 4થું સ્થાન પ્રાપ્ત કર્યું છે. ભારતના કુલ 85 મેડલમાં 21 ગોલ્ડ (સુવર્ણ), 27 સિલ્વર (રજત) અને 37 બ્રોન્ઝ (કાંસ્ય) મેડલનો સમાવેશ થાય છે. 

એશિયન ગેમ્સ 2026ની મેડલ ટેલીમાં ચીન કુલ 341 મેડલ (169 ગોલ્ડ, 89 સિલ્વર, 83 બ્રોન્ઝ) સાથે પ્રથમ ક્રમે, જાપાન 269 મેડલ સાથે બીજા ક્રમે અને દક્ષિણ કોરિયા 150 મેડલ સાથે ત્રીજા ક્રમે રહ્યું છે. આ રમતોત્સવમાં ભારતે ઉત્કૃષ્ટ પ્રદર્શન કરીને મેડલ ટેલીમાં ચોથું (4થું) સ્થાન પ્રાપ્ત કર્યું છે. 

• વર્ષ 2022ની હેંગઝોઉ એશિયન ગેમ્સ સાથે સરખામણી કરીએ તો, ભારતે 2022માં કુલ 106 મેડલ જીત્યા હતા. 2026માં આ સંખ્યા ઘટીને 85 થઈ છે, એટલે કે કુલ મેડલમાં 21 મેડલનો ઘટાડો નોંધાયો છે. તે જ રીતે, 2022માં ભારત પાસે 28 ગોલ્ડ મેડલ હતા, જે 2026માં ઘટીને 21 થતાં ગોલ્ડ મેડલમાં 7નો ઘટાડો થયો છે. મેડલની સંખ્યામાં આ ઘટાડો થયો હોવા છતાં, ભારતે એશિયન ગેમ્સમાં પોતાનું ચોથું સ્થાન જાળવી રાખ્યું છે.

ભારતના મુખ્ય રમતગમતના પરિણામો

ગુજરાતની એલાવેનિલ વાલરિવાનનું પ્રદર્શન

2026ની એશિયન ગેમ્સમાં ગુજરાતની શૂટર એલાવેનિલ વાલરિવાને મહિલાઓની 10 મીટર એર રાઇફલમાં બે રજત ચંદ્રક જીત્યા હતા. તેણે સોનમ મસ્કર અને વિદર્ષા કે. વિનોદ સાથે ટીમ ઇવેન્ટમાં રજત ચંદ્રક જીત્યો તથા ત્યારબાદ વ્યક્તિગત 10 મીટર એર રાઇફલ ઇવેન્ટમાં પણ રજત ચંદ્રક મેળવ્યો. વ્યક્તિગત ફાઇનલમાં એલાવેનિલે 252.4 પોઇન્ટ મેળવ્યા. આમ, એલાવેનિલે એક જ દિવસે બે રજત ચંદ્રક જીતીને નોંધપાત્ર સિદ્ધિ મેળવી હતી. 

એશિયન ગેમ્સ 2026 ના ફ્લેગ-બેરર 

જાપાનના આઈચી-નાગોયા ખાતે યોજાયેલ એશિયન ગેમ્સ 2026 ના ઉદ્ઘાટન સમારોહમાં ભારતીય કબડ્ડી ખેલાડી પવન સેહરાવત અને શૂટર મનુ ભાકર સંયુક્ત રીતે ભારતીય દળના ફ્લેગ-બેરર (ધ્વજવાહક) બન્યા. પવન સેહરાવતે શોટ-પુટ ખેલાડી તજિંદરપાલ સિંહ તૂરનું સ્થાન લીધું હતું, જ્યારે મનુ ભાકર મહિલા ધ્વજવાહક તરીકે યથાવત રહ્યા હતા.