Business

નબળા પરિણામોને કારણે સેન્સેક્સ અને નિફ્ટીના PE 10 વર્ષની સરેરાશથી નીચે

By GS Team
31 Jan 20252 mins read
This article was originally published on 31 Jan 2025
નબળા પરિણામોને કારણે સેન્સેક્સ અને નિફ્ટીના PE 10 વર્ષની સરેરાશથી નીચે

અમદાવાદ : મુખ્ય બેન્ચમાર્ક સૂચકાંકો સેન્સેક્સ અને નિફ્ટીમાં તાજેતરના ઘટાડાએ ૫ અને ૧૦ વર્ષની સરેરાશ કરતાં પાછળના ૧૨ મહિના (TTM)ના આધારે પ્રાઇસ ટુ અર્નિંગ્સ (PE) રેશિયો દ્વારા માપવામાં આવેલા તેમના મૂલ્યાંકનને પાછળ ધકેલી દીધા છે. સેન્સેક્સ અને નિફ્ટી તેમના સર્વકાલીન ઉચ્ચ સ્તરેથી અનુક્રમે ૧૧ અને ૧૨ ટકા નીચે છે.

સેન્સેક્સ હાલમાં ૨૨.૨ટ ના TTM PE પર ટ્રેડ થઈ રહ્યો છે, જ્યારે તેની ૫ અને ૧૦ વર્ષની સરેરાશ અનુક્રમે ૨૫.૪ટ અને ૨૭.5x છે. બીજી તરફ, નિફ્ટી ૫૦ હાલમાં ૨૧.૭ટ ના TTM PE પર ટ્રેડ થઈ રહ્યો છે. આ અનુક્રમે ૨૩.૯ટ અને ૨૬.૭ટ ની ૫ અને ૧૦ વર્ષની સરેરાશ TTM PE કરતા ઘણી ઓછી છે.

બજારના નિષ્ણાતોના મતે મુખ્ય બેન્ચમાર્ક સૂચકાંકો સેન્સેક્સ અને નિફ્ટીના PEમાં ઘટાડો મોટે ભાગે નબળા ડિસેમ્બર ૨૦૨૪ ક્વાર્ટરના પરિણામોને કારણે છે.

અત્યાર સુધી, ડિસેમ્બર ક્વાર્ટરના પરિણામોની જાહેરાત કરતી કંપનીઓ તરફથી ટિપ્પણી સાવધ રહી છે. આગામી ક્વાર્ટરમાં નીચા અર્નિંગ ગ્રોેથની અપેક્ષાઓ પણ સેન્ટિમેન્ટને નિયંત્રણમાં રાખી રહી છે. સરકારી બોન્ડ યીલ્ડ પર પણ નજર રાખવાની જરૂર છે. રોકાણકારોમાં કોઈ ખાસ ઉત્સાહ દેખાતો નથી. રોકાણકારો માટે ઓછામાં ઓછા એક ક્વાર્ટર સુધી બજારથી દૂર રહેવું વધુ સારું રહેશે.

મિડ-કેપ અને સ્મોલ-કેપ સેગમેન્ટમાં પરિસ્થિતિ બહુ અલગ નથી. નિફ્ટી મિડકેપ ૧૦૦ અને નિફ્ટી સ્મોલકેપ ૧૦૦ સૂચકાંકો અનુક્રમે ૩૭.૧ટ અને ૨૬.૬ટ ના PE પર તેમના ૫-વર્ષ અને ૧૦-વર્ષના PPE ગુણાંક કરતાં સહેજ નીચા ટ્રેડ થઈ રહ્યાં છે. આ બંને સેગમેન્ટમાં ઘટાડો તેમના લાર્જ-કેપ સાથીદારો કરતાં વધુ તીવ્ર રહ્યો છે.