યુદ્ધ વચ્ચે પણ શેરબજારમાં જોરદાર તેજી: સેન્સેક્સ 1600 પોઇન્ટ ઉછળ્યો, નિફ્ટી 23,400ને પાર

Sensex and Nifty : એક તરફ યુદ્ધ શાંત થવાના સંકેત અને વૈશ્વિક બજારના પોઝિટિવ સંકેતો તથા ઘરેલુ સંસ્થાગત રોકાણકારોની ભારે ખરીદીને કારણે આજે ભારતીય શેરબજારમાં દિવાળી જેવો માહોલ જોવા મળ્યો છે. સેન્સેક્સ અને નિફ્ટી બંને ઇન્ડેક્સ આજે લીલા નિશાન સાથે મજબૂતી શરૂ કરી ચૂક્યા છે. જેનાથી રોકાણકારોની સંપત્તિમાં કરોડો રૂપિયાનો વધારો થયો છે.

BSE SENSEX: 75,000ની ઐતિહાસિક સપાટી વટાવી

ડોનાલ્ડ ટ્રમ્પે જ્યારથી પાંચ દિવસ માટે ઈરાન પર હુમલા રોકવાની જાહેરાત કરી છે ત્યારથી વિશ્વભરના બજારોમાં ફરી એકવાર તેજી જોવા મળી રહી છે. સેન્સેક્સમાં આજે એકતરફી તેજી જોવા મળી છે

અગાઉનો બંધ (Prev Close): 74,068.45

આજનો ઓપન ભાવ (Open): 74,652.01

હાલની સ્થિતિ: સેન્સેક્સ +1,608.19 (2.17%) પોઈન્ટના તોતિંગ ઉછાળા સાથે 75,676.64 પર પહોંચી ગયો છે.

આજનું હાઇ (High): 75,711.15

આજનું લો (Low): 74,550.47

52-વીક રેન્જ: હાઇ 86,159.02 અને લો 71,425.01 છે.

NIFTY 50: નિફ્ટીમાં 500 પોઇન્ટનો ઉછાળો

નિફ્ટીએ પણ આજે રોકાણકારોને માલામાલ કરી દીધા છે. ઘણા સમય બાદ નિફ્ટીમાં આવી તેજી દેખાઈ છે. 

અગાઉનો બંધ (Prev Close): 22,912.40

આજનો ઓપન ભાવ (Open): 23,064.40

હાલની સ્થિતિ: નિફ્ટી +507.50 (2.21%) પોઈન્ટ વધીને 23,419.90 ના સ્તર પર ટ્રેડ થઈ રહ્યો છે.

આજનું હાઇ (High): 23,432.60

આજનું લો (Low): 23,063.20

52-વીક રેન્જ: હાઈ 26,373.20 અને લો 21,743.65 છે.

તોફાની તેજીના મુખ્ય કારણો નીચે મુજબ છે

1. અમેરિકા-ઈરાન વચ્ચે શાંતિની આશા

બજારમાં તેજીનું સૌથી મોટું કારણ મિડલ ઈસ્ટના તણાવમાં ઘટાડો થવાના સંકેતો છે. અમેરિકી રાષ્ટ્રપતિ ડોનાલ્ડ ટ્રમ્પ અને ઈરાની નેતૃત્વ વચ્ચે 'પ્રોડક્ટિવ' વાતચીત થઈ હોવાના અહેવાલોથી રોકાણકારોમાં ઉત્સાહ વધ્યો છે. ઈરાને હોર્મુઝની સામુદ્રધુની (Strait of Hormuz) માંથી જહાજોની અવરજવર ચાલુ રાખવાની ખાતરી આપતા ઊર્જા સંકટ હળવું થવાની આશા જાગી છે.

2. ક્રૂડ ઓઇલના ભાવમાં મોટો ઘટાડો

યુદ્ધ વિરામની ચર્ચાઓને કારણે આંતરરાષ્ટ્રીય બજારમાં બ્રેન્ટ ક્રૂડ ઓઇલના ભાવમાં 5%થી વધુનો ઘટાડો નોંધાયો છે. ક્રૂડ ઓઇલના ભાવ $100 પ્રતિ બેરલની નીચે (આશરે $96-$98) આવી જવાથી ભારત જેવા ઓઇલ આયાતકાર દેશ માટે મોંઘવારી ઘટવાની આશા જન્મી છે, જે શેરબજાર માટે બુસ્ટર ડોઝ સમાન સાબિત થયું છે.

3. બૅન્કિંગ અને ફાયનાન્શિયલ સ્ટોક્સમાં જોરદાર ખરીદી

આજના ઉછાળામાં બૅન્કિંગ સેક્ટરે આગેવાની લીધી છે. HDFC Bank, SBI અને Bajaj Finance જેવા હેવીવેઇટ શેરોમાં રોકાણકારોએ નીચા ભાવે ભારે ખરીદી (Short Covering) કરી છે. બૅન્કિંગ ઇન્ડેક્સમાં આવેલી મજબૂતીએ સેન્સેક્સને 1600 પોઇન્ટથી વધુ ઉપર ધકેલવામાં મદદ કરી છે.

4. વૈશ્વિક બજારોનો સાથ

માત્ર ભારત જ નહીં, પરંતુ એશિયાઈ અને યુએસ ફ્યુચર્સ માર્કેટમાં પણ હકારાત્મક વલણ જોવા મળ્યું છે. ડૉલર ઇન્ડેક્સમાં નરમાશ અને અમેરિકી બોન્ડ યીલ્ડમાં ઘટાડાને કારણે ઇમર્જિંગ માર્કેટ્સમાં ફરીથી નાણાંનો પ્રવાહ શરૂ થયો છે.