વાયદા બજારમાં મિશ્ર વલણ : સોનું ઉછળીને 1,65,000 નજીક, અઢી લાખ થવા આવેલી ચાંદી અચાનક તૂટી

MCX Gold-Silver Update: વાયદા બજારમાં આજે સોના અને ચાંદીના ભાવમાં પરસ્પર વિરુદ્ધ વલણ જોવા મળ્યું છે. કોમોડિટી એક્સચેન્જ (MCX) પર ગોલ્ડ વાયદામાં તેજી નોંધાઈ છે, જ્યારે તાજેતરમાં અઢી લાખ રૂપિયાની સપાટી નજીક પહોંચેલી ચાંદીના ભાવમાં નરમાઈ જોવા મળી છે.

સોનામાં તેજીનો માહોલ

સોનાના વાયદા બજાર (MCX Gold 05-Oct-26) માં આજે તેજીનો માહોલ રહ્યો હતો. આગલા ટ્રેડિંગ સેશનમાં સોનું ₹1,62,438.00 ના મથાળે બંધ થયું હતું, જેની સામે આજે બજાર ખુલતાની સાથે જ તે ₹1,62,052.00 પર ઓપન થયું હતું. દિવસ દરમિયાન લેવાલી નીકળતા સોનાનો ભાવ ₹1,63,590.00 ની ઊંચી સપાટી સુધી પહોંચ્યો હતો અને હાલમાં તે ₹862.00 (+0.53%) ના ઉછાળા સાથે ₹1,63,300.00 ની સપાટી પર ટ્રેડ થઈ રહ્યું છે.

ચાંદીમાં કડાકો

બીજી તરફ, ચાંદીના વાયદા બજાર (MCX Silver 04-Sep-26) માં પ્રોફિટ બુકિંગના કારણે કડાકો બોલી ગયો છે. ચાંદી ગઈકાલે ₹2,46,597.00 ના મથાળે બંધ થઈ હતી, જે આજે ઘટાડા સાથે ₹2,45,597.00 ના ભાવ પર ઓપન થઈ હતી. બજારમાં મંદીનું વાતાવરણ રહેતા ચાંદી ₹2,44,815.00 ની નીચલી સપાટી સુધી ગગડી હતી અને હાલમાં ₹796.00 (-0.32%) ના ઘટાડા સાથે ₹2,45,801.00 ના સ્તરે કારોબાર કરી રહી છે.