MCX : સોનાના ભાવમાં રૂ.5000ની તો ચાંદીના ભાવમાં 16500ની ઉથલ-પાથલ, જાણો લેટેસ્ટ ભાવ

MCX Today Gold and Silver Rate : અમેરિકા-ઈઝરાયલ અને ઈરાનના યુદ્ધના કારણે મધ્ય-પૂર્વમાં ઉભા થયેલા ભયંકર સંકટ તેમજ અમેરિકન ફેડરલ રિઝર્વ બેંકના નિર્ણય બાદ સોના-ચાંદીના ભાવમાં ધરખમ ઘટાડો થયો છે. બીજીતરફ સંઘર્ષની અસરો ક્રૂડના ભાવ પર પણ જોવા મળી છે. બ્રેંટ ક્રૂડ અને WTI ક્રૂડની કિંમતો પણ ગગડી છે.

સોનાના ભાવમાં 5000ની ઉથલ-પાથલ

મલ્ટી કોમોડિટી એક્સચેન્જ (MCX) પર આજે ગોલ્ડ એપ્રિલ ફ્યૂચરના ભાવમાં રૂપિયા 5000ની ઉથલપાથલ જોવા મળી છે. એમસીએક્સ પર ગઈકાલે 10 ગ્રામ સોનાનો ભાવ રૂપિયા 144,954 બંધ થયો હતો અને આજે રૂ.3348ના વધારા સાથે રૂ.148,302 પર ખુલ્યો હતો. ત્યારબાદ દિવસના ટ્રેડિંગ દરમિયાન તેનો ભાવ ઊંચામાં રૂ.143,385 સુધી અને નીચામાં રૂ.143,385 સુધી પહોંચ્યા હતો. એટલે કે આજે એક જ દિવસમાં સોનીની કિંતમાં રૂ.5072ની ઉથલ-પાથલ જોવા મળી છે. હાલ રાત્રે 10.00 વાગે સોનાનો ભાવ રૂ.154ના ઘટાડા સાથે રૂ.1,44,800 પર ટ્રેડ થઈ રહ્યો છે.

ચાંદીના ભાવમાં 16500ની ઉથલ-પાથલ

જ્યારે એમસીએક્સ પર આજે ચાંદીના મે કોન્ટ્રાક્ટ ભાવમાં રૂપિયા 16,500ની ઉથલપાથલ જોવા મળી છે. એમસીએક્સ પર ગઈકાલે એક કિલો ચાંદીનો ભાવ રૂપિયા 231,460 બંધ થયો હતો અને આજે રૂ.8,488ના વધારા સાથે રૂ.239,948 પર ખુલ્યો હતો. ત્યારબાદ દિવસના ટ્રેડિંગ દરમિયાન તેનો ભાવ ઊંચામાં રૂ.240,000 સુધી અને નીચામાં રૂ.223,305 સુધી પહોંચ્યા હતો. એટલે કે આજે એક જ દિવસમાં ચાંદીની કિંતમાં રૂ.16,695ની ઉથલ-પાથલ જોવા મળી છે. હાલ રાત્રે 10.00 વાગે ચાંદીનો ભાવ રૂ.3579ના ઘટાડા સાથે રૂ.2,27,881 પર ટ્રેડ થઈ રહ્યો છે.

સોના-ચાંદીના ભાવમાં ઉથલ-પાથલ થવાના કારણ

અમેરિકી ફેડરલ રિઝર્વના નિર્ણય અને મિડલ ઈસ્ટમાં વધતા તણાવને કારણે રોકાણકારોનું વલણ બદલાતું જોવા મળ્યું છે. આ બંને કારણોસર બજારમાં ઘટાડો નોંધાયો હતો. ઘટાડાનું મુખ્ય કારણ સોના અને ચાંદીના આંતરરાષ્ટ્રીય ભાવમાં જોવા મળેલી નરમાઈ રહી.

આ પણ વાંચો : અનિશ્ચિતતા વચ્ચે ફેડરલ રિઝર્વ દ્વારા વ્યાજ દર યથાવત રખાયા

ફેડના નિર્ણયથી સેન્ટિમેન્ટ બદલાયું

અમેરિકી ફેડરલ રિઝર્વે માર્ચની બેઠકમાં વ્યાજ દરોને 3.5%–3.75% ના દાયરામાં સ્થિર રાખ્યા છે. ફેડરલ રિઝર્વના ચેરમેન જેરોમ પોવેલે સંકેત આપ્યો કે મોંઘવારી પર કાબૂ મેળવવાની પ્રક્રિયા ધીમી પડી શકે છે, પરંતુ સ્ટેગફ્લેશન (આર્થિક સ્થગિતતા સાથે મોંઘવારી) ને લઈને ચિંતાઓ ઓછી છે. તેમણે એમ પણ કહ્યું કે તેલની ઊંચી કિંમતો ખર્ચ અને રોજગાર પર દબાણ લાવી શકે છે, જોકે અમેરિકામાં વધતા ઉર્જા ઉત્પાદનથી તેની અસર કંઈક અંશે સંતુલિત થઈ શકે છે.

તેલની કિંમતો પણ વધી

મિડલ ઈસ્ટમાં વધતા તણાવે પણ બજારની દિશાને પ્રભાવિત કરી છે. ઈરાન દ્વારા કતારમાં એનર્જી ફેસિલિટીઝ (ઉર્જા મથકો) પર હુમલા બાદ કાચા તેલની કિંમતોમાં ઉછાળો આવ્યો હતો. બ્રન્ટ ક્રૂડનો ભાવ આશરે 3.44% વધીને 111 ડોલર પ્રતિ બેરલને પાર પહોંચી ગયો છે, જ્યારે WTI ક્રૂડનો ભાવ પણ 98 ડોલર પ્રતિ બેરલની નજીક પહોંચ્યો છે.

આ પણ વાંચો : પ્રીમિયમ પેટ્રોલ બાદ ઈન્ડસ્ટ્રિયલ ડીઝલ પણ થયું મોંઘું, એકઝાટકે 22 રૂપિયાનો વધારો!