નવા વર્ષે સરકારની તિજોરી છલકાઈ, ડિસેમ્બરમાં GST કલેક્શન 1.74 લાખ કરોડને પાર
Summarized by AI; it may make mistakes. Check important info
Summarized by AI; it may make mistakes. Check important info
GST Collection : નવા વર્ષના પ્રથમ દિવસે જ સરકાર માટે સારા સમાચાર આવ્યા છે. ડિસેમ્બર 2025 મહિનામાં GST કલેક્શનના આંકડા જાહેર કરવામાં આવ્યા છે, જે સરકારની વધતી જતી આવકનો સંકેત આપે છે. ગત વર્ષના છેલ્લા મહિનામાં કુલ GST કલેક્શન વાર્ષિક ધોરણે 6.1 ટકા વધીને 1.74 લાખ કરોડ રૂપિયાથી વધુ નોંધાયું છે. ડિસેમ્બર 2024માં આ આંકડો 1.64 લાખ કરોડ રૂપિયા હતો.
આયાત અને ઘરેલું વેચાણના આંકડા
સરકાર દ્વારા જારી કરવામાં આવેલા ડેટા મુજબ, ઘરેલું ટ્રાન્જેક્શનમાંથી ગ્રોસ રેવન્યુ 1.2 ટકા વધીને 1.22 લાખ કરોડ રૂપિયાથી વધુ રહી છે. બીજી તરફ, આયાતી માલ પરના રેવન્યુમાં મોટો ઉછાળો જોવા મળ્યો છે. આયાત દ્વારા થતી આવક 19.7 ટકા વધીને 51,977 કરોડ રૂપિયા પર પહોંચી ગઈ છે. આ ઉપરાંત, રિફંડની રકમમાં પણ 31 ટકાનો વધારો થયો છે, જે કુલ 28,980 કરોડ રૂપિયા રહ્યો છે.
ટેક્સ દરમાં ઘટાડા છતાં નોંધપાત્ર કલેક્શન
રિફંડ એડજસ્ટ કર્યા પછી નેટ GST રેવન્યુ 1.45 લાખ કરોડ રૂપિયાથી વધુ રહી છે, જે ગયા વર્ષની સરખામણીએ 2.2 ટકા વધુ છે. જોકે, સેસ કલેક્શનમાં ઘટાડો નોંધાયો છે. ડિસેમ્બર 2024માં સેસ કલેક્શન 12,003 કરોડ રૂપિયા હતું, જે હવે ઘટીને 4,238 કરોડ રૂપિયા થઈ ગયું છે. આ ઘટાડા પાછળનું મુખ્ય કારણ લક્ઝરી અને સિન પ્રોડક્ટ્સ પરથી સેસ હટાવવાની નીતિ હોઈ શકે છે.
GST રેટ કટની અસર
રિપોર્ટ અનુસાર, 22 સપ્ટેમ્બર 2025થી આશરે 375 વસ્તુઓ પર GST દરમાં ઘટાડો કરવામાં આવ્યો હતો. આ નિર્ણયને કારણે 99 ટકા રોજિંદી ચીજવસ્તુઓના ભાવ ઘટ્યા હતા. હવે કોમ્પેન્સેશન સેસ માત્ર તમાકુ અને તેની સાથે જોડાયેલી પ્રોડક્ટ્સ પર જ લેવામાં આવે છે. ટેક્સ રેટમાં આ ઘટાડા છતાં કલેક્શનનો આ આંકડો સરકાર માટે આશાસ્પદ માનવામાં આવે છે.
આ પણ વાંચો : Rule Change: નવા વર્ષે મોંઘવારીનો ડામ, આજથી 5 મોટા ફેરફાર, તમારા ખિસ્સા પર થશે અસર!
