સોનાના ભાવ 1.40 લાખની નીચે સરક્યા, ચાંદીની કિંમતમાં જબરદસ્ત તેજી : જાણો લેટેસ્ટ ભાવ
Summarized by AI; it may make mistakes. Check important info
Summarized by AI; it may make mistakes. Check important info

MCX Gold-Silver Price Today : મલ્ટી કોમોડિટી માર્કેટમાં કિંમતી ધાતુઓના ભાવમાં મોટી વધ-ઘટ જોવા મળી રહી છે. વૈશ્વિક બજાર અને સ્થાનિક વાયદા બજારમાં બદલાતા સમીકરણો વચ્ચે સોનાના ભાવમાં દબાણ સર્જાયું છે અને કિંમતો નીચે આવી છે, જ્યારે ચાંદીમાં મજબૂતી જોવા મળી છે. સોનું ઘટીને 1,40,000 ના મહત્વના સ્તરથી નીચે ગગડી ગયું છે, જ્યારે ચાંદીમાં ઉછાળો યથાવત રહ્યો છે.
સોનાના ભાવમાં ઘટાડો : દિવસ દરમિયાન 2,218 રૂપિયાની ઉથલ-પાથલ
સ્થાનિક વાયદા બજારમાં સોનાના 4 ડિસેમ્બર 2026ના વાયદામાં નરમાઈ નોંધાઈ છે. આ કોન્ટ્રેક્ટ 141,270ના સ્તરે ખૂલ્યા બાદ દિવસ દરમિયાન 141,990 ની ઊંચી સપાટી અને 139,772 ની નીચી સપાટી બનાવી ચૂક્યો છે. આમ દિવસ દરમિયાન સોનાના ભાવમાં 2,218 રૂપિયાની ઉથલ-પાથલ જોવા મળી છે. અગાઉના 140,525 ના બંધ સામે રાત્રે 10.30 વાગ્યાના લેટેસ્ટ અપડેટ મુજબ સોનું 1,39,846 પર ટ્રેડ થઈ રહ્યું છે. વૈશ્વિક બજારમાં પણ સોનું 0.47 ટકા તૂટીને 4,011.20 ડોલર પ્રતિ ઔંસની સપાટીએ પહોંચ્યું છે. છેલ્લા એક અઠવાડિયામાં સોનામાં પ્રતિ 10 ગ્રામ આશરે 3000 રૂપિયાનો ઘટાડો નોંધાયો છે, જે ગત 4 નવેમ્બરે 1.43 લાખ રૂપિયા પ્રતિ 10 ગ્રામ હતું.
ચાંદીની ચમક વધી : દિવસ દરમિયાન 3,895 રૂપિયાની ઉથલ-પાથલ
સોનાથી વિપરીત ચાંદીમાં સારો એવો સુધારો જોવા મળ્યો છે. 4 ડિસેમ્બર 2026 ના ચાંદી વાયદામાં રાત્રે 10.30 વાગ્યાના લેટેસ્ટ ટ્રેડિંગ અપડેટ મુજબ ભાવ 1,84,286 ના સ્તરે બોલાઈ રહ્યો છે. દિવસ દરમિયાન આ કોન્ટ્રેક્ટ 185,414 પર ખૂલ્યો હતો અને ઉપરમાં 187,979 તથા નીચામાં 184,084 ની રેન્જ નોંધાવી હતી. આમ દિવસ દરમિયાન ચાંદીના ભાવમાં 3,895 રૂપિયાની ઉથલ-પાથલ જોવા મળી છે. આ અગાઉના 182,576 ના બંધ સામે નોંધપાત્ર વધારો દર્શાવે છે. આંતરરાષ્ટ્રીય માર્કેટમાં પણ ચાંદી 2 ટકા વધીને 52.30 ડોલર પ્રતિ ઔંસના સ્તરે ટ્રેડ થઈ રહી છે. જોકે લાંબા ગાળાની સરખામણી કરીએ તો 4 નવેમ્બરે ચાંદી 1.87 લાખ રૂપિયા પ્રતિ કિલો હતી, જે હાલ 1.84 લાખ રૂપિયાની આસપાસ સ્થિર થવાનો પ્રયાસ કરી રહી છે.
ભાવમાં ફેરફાર પાછળના મુખ્ય કારણો
કિંમતી ધાતુઓમાં જોવા મળી રહેલી આ વધ-ઘટ પાછળ વૈશ્વિક જીઓ-પોલિટિકલ સ્થિતિ અને આર્થિક ડેટા મુખ્ય પરિબળ છે. વૈશ્વિક સ્તરે તણાવમાં ઘટાડો થઈ રહ્યો છે અને ઈરાન તથા અમેરિકા શાંતિ સમજૂતી તરફ આગળ વધી રહ્યા હોવાના સંકેતો મળતાં રોકાણકારો સોના-ચાંદી જેવા સુરક્ષિત રોકાણના વિકલ્પોમાંથી નાણાં અન્યત્ર વાળી રહ્યા છે. બીજી તરફ અમેરિકામાં મોંઘવારીના તાજેતરના આંકડા સામે આવ્યા બાદ ફેડરલ રિઝર્વ દ્વારા વ્યાજદરમાં ફરી વધારો થવાની શક્યતાઓ વધી છે, જેની સીધી અસર બજારના સેન્ટિમેન્ટ પર જોવા મળી રહી છે.




