અમેરિકામાં ઇન્ટરનેશનલ ઍરપૉર્ટ પર ઇંધણ ખૂટી જતાં હોબાળો: વિમાનો અટવાતા NOTAM જાહેર
Summarized by AI; it may make mistakes. Check important info
Summarized by AI; it may make mistakes. Check important info
US Aviation news | અમેરિકાના ન્યૂયોર્ક રાજ્યના ચીકટોવાગા શહેરમાં આવેલા 'બફેલો નિયાગ્રા ઇન્ટરનેશનલ ઍરપૉર્ટ' પર અચાનક જેટ ફ્યુઅલ (એવિએશન ઇંધણ) ખૂટી જતાં ભારે અફરાતફરીનો માહોલ સર્જાયો છે. ઍરપૉર્ટ પર ઇંધણની અછતને કારણે વિમાનોમાં રિફ્યુઅલિંગ(ફ્યુઅલ ભરવાની) કામગીરી સંપૂર્ણપણે ઠપ્પ થઈ ગઈ છે, જેના કારણે અનેક વિમાનો જ્યાં હતાં ત્યાં જ અટવાઈ પડ્યા છે.
‘NOTAM’ ઇમરજન્સી ઍલર્ટ જાહેર
આ પરિસ્થિતિ ગંભીર બનતાં ઍરપૉર્ટ ઓથોરિટી દ્વારા તુરંત જ NOTAM (Notice to Air Missions / Notice to Airmen) જાહેર કરવામાં આવ્યું છે. ઉલ્લેખનીય છે કે, અમેરિકામાં જ્યારે પણ કોઈ ઍરપૉર્ટ, રનવે અથવા એરસ્પેસમાં અસામાન્ય કે અસ્થાયી ઇમરજન્સી સ્થિતિ ઊભી થાય અને પાયલટોને ઉડાન ભરતા પહેલાં તેની જાણ કરવી જરૂરી હોય, ત્યારે NOTAM જાહેર કરવામાં આવે છે.
એરલાઇન્સ અને પાયલટ્સ માટે સૂચના
મીડિયા રિપોર્ટ્સ અનુસાર, આ સ્થિતિને પગલે યુએસની અગ્રણી એરલાઇન્સે પોતાના પાયલટોને ખાસ નિર્દેશ આપ્યા છે. જો કોઈ વિમાન બફેલો ઇન્ટરનેશનલ ઍરપૉર્ટ તરફ જઈ રહ્યું હોય અથવા ત્યાં લેઓવર(રોકાણ) કરીને આગળનું ફ્યુઅલ ભરવાનું આયોજન હોય, તો તેણે નજીકના પાડોશી ઍરપૉર્ટ પર રોકાઈને પૂરતું ફ્યુઅલ ભરી લેવું અથવા વધારાનું ઇંધણ સાથે રાખીને જ ઉડાન ભરવી.
ઇંધણ ખૂટી જવાનું અસલ કારણ શું?
બફેલો નિયાગ્રા ઇન્ટરનેશનલ ઍરપૉર્ટ કદમાં નાનું હોવાથી ત્યાં પાઇપલાઇન દ્વારા નહીં પરંતુ ફ્યુઅલ ટેન્કર ટ્રકો દ્વારા જેટ ફ્યુઅલ પહોંચાડવામાં આવે છે. હાલમાં ફ્યુઅલ ખૂટી જવાનું કોઈ સત્તાવાર કારણ જાહેર કરવામાં આવ્યું નથી, પરંતુ નિષ્ણાતોના મતે લોકલ ટર્મિનલના ઇક્વિપમેન્ટમાં કોઈ ખામી સર્જાઈ હોઈ શકે છે અથવા તો ફ્યુઅલની ગુણવત્તા (ક્વોલિટી) સંબંધિત કોઈ સમસ્યાના કારણે સપ્લાય રોકવામાં આવી હોઈ શકે છે.
