નોકરીયાતો માટે મોટા સમાચાર: EPFOએ બદલ્યા PF ક્લેમ, વિડ્રોઅલ અને નોમિનેશન સહિતના 8 નિયમો

EPFO New Rules: કર્મચારી ભવિષ્ય નિધિ સંગઠન(EPFO)એ વર્ષ 2026માં ઘણા મોટા ફેરફારો કર્યા છે, જેની સીધી અસર PF કર્મચારીઓ પર થશે. આ ફેરફારો EPF, EPS અને EDLI યોજનાઓને સંચાલિત કરતાં નિયમોને લગતા છે. જેમાં PF ક્લેમ, વિડ્રોઅલ અને નોમિનેશન સહિત 8 નિમયો બદલાયા છે. તેમજ તમામ પ્રક્રિયાઓને ડિજિટાઇઝ કરવાની સાથે જરૂરી સુધારા કરવામાં આવ્યા છે. આ ફેરફારથી સુરક્ષાના લાભોને સેફ રખાશે. ચાલો જાણીએ EPFOએ શું મોટા ફેરફારો કર્યા.

યોગદાન નિયમો

આ નિયમમાં કોઈ નોંધપાત્ર ફેરફાર કરવામાં આવ્યા નથી. EPFO​​એ સ્પષ્ટ કર્યું છે કે, કર્મચારીઓ અને કંપની બંને તરફથી PF યોગદાન 12% પર રહેશે. જોકે, આ ફરજિયાત છે. જેમનો મૂળ પગાર દર મહિને ₹15,000 છે, તેમનું ઓછામાં ઓછું ₹1,800નું યોગદાન જરૂરી છે. આ મર્યાદાથી વધુ કર્મચારી દ્વારા કરવામાં આવેલા કોઈપણ યોગદાન તેમની મરજી પર નિર્ભર કરે છે. તેમ છતાં, એવા અહેવાલો છે કે સરકાર આ મર્યાદા વધારીને ₹25,000 કરી શકે છે.

પગાર મર્યાદા

નવા નિયમોએ પગાર મર્યાદાને સમાયોજિત કરવાનું સરળ બનાવ્યું છે. અગાઉ, EPF યોજનામાં સ્પષ્ટપણે ₹15,000ની પગાર મર્યાદાનો ઉલ્લેખ કરવામાં આવ્યો હતો. 2026ની યોજના કેન્દ્ર સરકાર દ્વારા સૂચિત પગાર મર્યાદાનો ઉલ્લેખ કરે છે, જે EPF યોજનામાં સુધારાની જરૂર વગર ભવિષ્યમાં ગોઠવણો કરવાની મંજૂરી આપે છે. આ ફેરફાર ભવિષ્યમાં નવા નિયમો રજૂ કરવાનો માર્ગ મોકળો કરે છે.

વિડ્રોઅલ નિયમો સરળ બનાવાયા

વિડ્રોઅલ નિયમો સરળ બનાવવામાં આવ્યા છે. EPFO​​એ વિડ્રોઅલ માટેની શરતોને સરળ બનાવી છે. જેમાં વિવિધ શરતો સાથે અનેક વિડ્રોઅલ શ્રેણીઓને બદલે, યોગ્ય વિડ્રોઅલને હવે ત્રણ શ્રેણીઓમાં કરવામાં આવ્યા છે. જેમાં કટોકટી, રહેઠાણ અને ખાસ પરિસ્થિતિઓનો સમાવેશ થાય છે. હવે આંશિક વિડ્રોઅલ માટે અરજી કરવાની પ્રક્રિયા ઓછી જટિલ બની ગઈ છે.

નવા PF ખાતાનું માળખું

બીજો એક મહત્ત્વપૂર્ણ ફેરફાર PF ખાતાના માળખા સાથે સંબંધિત છે. EPFO ગ્રાહકના ખાતામાં બે અલગ અલગ ભાગ જાળવી રાખશે. જેમાં ખાતામાં જમા કરાયેલી રકમના 25% લઘુતમ બેલેન્સ તરીકે રાખવામાં આવશે, જ્યારે 75% રકમનો ઉપયોગ લાયક આંશિક વિડ્રોઅલ માટે કરી શકાય છે, જે યોજના હેઠળ નિર્ધારિત શરતોને આધીન છે.

વિડ્રોઅલ માટે સમાન સેવાની આવશ્યકતા

2026ના નિયમો એક સમાન સેવાની આવશ્યકતા રજૂ કરે છે. અગાઉ વિવિધ વિડ્રોઅલ હેતુઓ માટે અલગ અલગ રાહ જોવાનો સમયગાળો લાગુ કરવામાં આવતો હતો. સુધારેલા માળખા હેઠળ, પાત્ર શ્રેણીઓના સભ્યોએ વિડ્રોઅલ કરતા પહેલા સામાન્ય રીતે 12 મહિનાની સેવા પૂર્ણ કરવી જરૂરી રહેશે. તબીબી કારણોસર ઉપાડ માટે ઓછામાં ઓછી 12 મહિનાની સેવા પણ ફરજિયાત રહેશે.

PF ક્લેમની પતાવટ

EPFOએ PF ક્લેમની પતાવટ માટેની સમયમર્યાદા ઘટાડીને 20 દિવસ કરી દીધી છે. નિયમોમાં એ પણ ઉલ્લેખ કરવામાં આવ્યો છે કે જો કોઈ યોગ્ય કારણ વગર ક્લેમની પ્રક્રિયામાં વિલંબ થાય છે તો EPFOએ 12%ના દરે દંડાત્મક વ્યાજ ચૂકવવું પડશે, જેનાથી જવાબદારીમાં વધારો થશે. આ રકમ સંબંધિત પ્રાદેશિક PF કમિશનરના પગારમાંથી કાપવામાં આવશે, જે જવાબદારીને મજબૂત બનાવશે અને સભ્યોના ક્લેમને ઝડપી પૂરા કરવામાં સપોર્ટ બનાવશે.

ડિજિટલ નોમિનેશન

ડિજિટલાઇઝેશનને પ્રોત્સાહન આપવાના ચાલુ પ્રયાસોના ભાગ રૂપે, ભૌતિક નોમિનેશન પત્રો તબક્કાવાર રીતે બંધ કર્યા છે અને નવી યોજના હેઠળ ઓનલાઇન નોમિનેશનને ઔપચારિક રીતે માન્યતા આપવામાં આવી છે. આનાથી સદસ્યો અને કંપનીઓ માટે પ્રોસેસ ઝડપી બનશે અને કાગળકામ ઓછું થશે તેવી અપેક્ષા છે.

વેઇટિંગ ટાઇમ થશે ઓછો

રોજગારી સમાપ્તિ પછી વેઇટિંગ ટાઇમ સુધારવામાં આવ્યો છે. અગાઉ સભ્યો બે મહિના સુધી બેરોજગાર રહ્યા પછી તેમનો સંપૂર્ણ PF રકમ ઉપાડી શકતા હતા. નવા નિયમો હેઠળ, 12 મહિનાની બેરોજગારી પછી જ સંપૂર્ણ ઉપાડની મંજૂરી છે. જો કે, આંશિક ઉપાડની સુવિધા ઉપલબ્ધ રહેશે અને આ માટે રાહ જોવાનો સમયગાળો 36 મહિના સુધી લંબાવવામાં આવ્યો છે.