કાચબાનો શિકાર કરનારા ચાર શખ્સને જેલહવાલે કરાયા

ભાવનગર એરપોર્ટ પરથી બાતમી આધારે ઝડપાયા બાદ

કાચબાનું શાક બનાવી ખાવાના ઇરાદા પર વન વિભાગની કાર્યવાહી

ભાવનગર - ભાવનગર વન વિભાગે બાતમી આધારે શહેરના ઍરપૉર્ટ રોડ પર કન્સ્ટ્રક્શન સાઇટ પર કામ કરનારા ચાર શખ્સો કાચબાનો શિકાર કરી શાક બનાવી ખાવાના ઇરાદા પર કાર્યવાહી કરી જામીન નામંજુર થતાં ચારેયને જેલહવાલે કરાયા હતાં.

ભાવનગર ઍરપૉર્ટ ખાતે કન્સ્ટ્રક્શન કામગીરી કરતી એસ.જી. કન્સ્ટ્રક્શનના પરપ્રાંતીય મજૂરો દ્વારા એરપોર્ટની આજુબાજુના વિસ્તારમાંથી કાચબાઓ પકડી પોતાના કબજામાં રાખી તેનું શાક બનાવી ખાવાના ઇરાદે શિકાર કરતાં ભાવનગર વન વિભાગે બાતમીના આધારે રેડ કરતાં આરોપીઓ રવિન લુખો પાસવાન, રામપુકાર દોરિક પાસવાન, વિજયકુમાર મનિકલાલ મહતો, આનંદકુમાર રામલખન મહતો બિહારનાને રંગેહાથ ઝડપી લેવાયા હતાં. તમામ વિરુદ્ધ વન્ય પ્રાણી સંરક્ષણ અધિનિયમ હેઠળ ગુનો નોંધી કોર્ટમાં હાજર કરાતા આરોપીઓના જામીન નામંજૂર થતાં તમામ આરોપીઓને જેલ હવાલે કરેલ છે.