મહુવાના વડલી પાસે બે બાઈક વચ્ચે અકસ્માતમાં યુવાનનું મોત

મહુવાથી ભાવનગર જતી વેળાએ કાળ આંબી ગયો

એક યુવકને સામાન્ય ઈજા, અકસ્માત સર્જી અજાણ્યો બાઈકચાલક ફરાર

ભાવનગર -  મહુવાના વડલી ગામ પાસે બે બાઈક વચ્ચે સર્જાયેલી કરૃણ અકસ્માતની ઘટનામાં એક યુવાનનું મોત થયું છે. અન્ય એક યુવકને સામાન્ય ઈજા થતાં પ્રાથમિક સારવાર બાદ રજા આપવામાં આવી હતી.

મહુવાના ભવાનીનગરમાં રહેતા ગોપાલભાઈ કડવાભાઈ શિયાળ (ઉ.વ.૩૧) અને દિનેશભાઈ ધીરૃભાઈ બારીયા (ઉ.વ.૨૮, રહે, ગાયત્રી ઝૂપડપટ્ટી, મહુવા) ગઈકાલ બુધવારે બાઈક નં.જીજે.૦૪.ઈકે.૪૮૭૫ લઈ મહુવાથી ભાવનગર જવા નીકળ્યા હતા. ત્યારે નેશનલ હાઈવે નં.૫૧ પર વડલી ગામથી આગળ જતાં બુટિયાના નાળા પહેલા એક બજાજ ડિસ્કરવ બાઈક નં.જીજે.૦૪.એજે.૨૧૮૭ના ચાલકે બાઈક સાથે અકસ્માત સર્જતા ગોપાલભાઈને માથાના ભાગે ગંભીર ઈજા થતાં તેમનું મૃત્યુ થયું હતું. તેમજ દિનેશભાઈને સામાન્ય ઈજા પહોંચી હતી. અકસ્માત સર્જી નાસી છૂટેલા બાઈકના અજાણ્યા ચાલક સામે મૃતકના ભત્રીજા નાનજીભાઈ ધીરૃભાઈ (ઉ.વ.૨૦, રહે, ખરેડ, તા.મહુવા)એ મહુવા પોલીસમાં ગુનો દાખલ કરાવ્યો છે.