માંજલપુરમાં ૨૮૦ લીટર દેશી દારૃ સાથે મહિલા પકડાઇ

માંજલપુર જ્યુપિટર ચોકડી પાસે ઝૂંપડામાં દેશી દારૃ વેચતી મહિલા પાસેથી પોલીસે ૨૮૦ લીટર દારૃ કબજે કર્યો છે.
માંજલપુર પોલીસને માહિતી મળી હતી કે, જ્યુપિટર ચોકડીથી લક્કી રેસ્ટોરન્ટ તરફ જતા રોડની બાજુમાં ઝૂંપડામાં રહેતા હેતલબેન મધુભાઇ ગાયકવાડ દેશી દારૃનું વેચાણ કરતા હોવાની માહિતી માંજલપુર પોલીસને મળી હતી. જેથી, પોલીસની ટીમે ઉપરોકત સ્થળે જઇને તપાસ કરતા હેતલબેન મળી આવ્યા હતા. તેમની પાસેથી ૨૮૦ લીટર દેશી દારૃ કિંમત ૫૬ હજારનો મળી આવ્યો હતો. આ દારૃનો જથ્થો ભાલીયાપુરાના ખોડાભાઇ પાસેથી લાવ્યા હોવાનું મહિલાએ જણાવ્યું હોઇ પોલીસે ખોડાભાઇને વોન્ટેડ જાહેર કર્યા છે. ઉલ્લેખનીય છે કે, લઠ્ઠાકાંડ બાદ સફાળી જાગેલી પોલીસે ૨૪ કલાકમાં પોલીસે કુલ ૪.૪૧ લાખનો મુદ્દામાલ કબજે કર્યો છે.