અમદાવાદ-મહેસાણામાં વિઝાના નામે 35 લાખની થયેલી ઠગાઇમાં વોન્ટેડ વડોદરાનો એજન્ટ પકડાયો

વિઝા અપાવવાના નામે થયેલી છેતરપિંડીના ગુનામાં વોન્ટેડ વડોદરાના એક એજન્ટને ક્રાઇમ બ્રાન્ચે ઝડપી પાડયો છે.
શહેરમાં ગુનાઇત ભૂતકાળ ધરાવતા તત્વોની ચકાસણી દરમિયાન અગાઉ વિઝાના નામે છેતરપિંડી તેમજ દારૃના પાંચ કેસોમાં સંડોવાયેલા રક્ષિત ગૌતમભાઇ પટેલ (રાજ લક્ષ્મી સોસાયટી,ન્યૂ સમા રોડ)ને પોલીસે તપાસતાં મહેસાણાના વિસનગર પોલીસ સ્ટેશન અને અમદાવાદના સોલા પોલીસ સ્ટેશનમાં વિઝા ના નામે થયેલી રૃ.૩૫ લાખની ઠગાઇના બે કેસમાં તેની સંડોવણી હોવાનું જાણવા મળ્યું હતું.
ઉપરોક્ત બનાવ અગે ક્રાઇમ બ્રાન્ચે આરોપીની અટકાયત કરી પૂછપરછ કરી હતી અને અમદાવાદ અને મહેસાણા પોલીસને સોંપવાની તજવીજ કરી હતી.