મકરપુરામાંથી વિદેશી દારૂના જથ્થા સાથે બે ઝડપાયા : સપ્લાયર વોન્ટેડ

Vadodara Liquor Raid : વડોદરાના મકરપુરા પોલીસ સ્ટેશન વિસ્તારમાં પોલીસે બાતમીના આધારે દરોડો પાડીને ગેરકાયદેસર વિદેશી દારૂના જથ્થા સાથે બે આરોપીને ઝડપી લીધા છે.
મકરપુરા પોલીસની ટીમને માહિતી મળી હતી કે, જશોદા કોલોની, ડાહીબા નગર પાસેના ખુલ્લા ગ્રાઉન્ડમાં ઝાડી-ઝાંખરાની આડમાં દારૂનું વેચાણ થઈ રહ્યું છે. પોલીસે સ્થળ પર રેડ કરીને સુરેશ ઉર્ફે કાંચો ટેકબહાદુર થાપા (ઉં.વ. 31) અને લાલજીભાઈ ઉર્ફે અજય નટવરભાઈ પંચાલ (ઉં.વ. 37) નામના બે આરોપીને ઝડપી પાડયા હતા.
પોલીસે દારૂની કુલ 98 બોટલ કિંમત રૂપિયા 23,855 કબજે કરવાની છે. પ્રાથમિક પૂછપરછ દરમિયાન સામે આવ્યું કે, દારૂનો આ જથ્થો રાહુલ ઉર્ફે શૈલેષ રાઠવા નામના શખ્સે પૂરો પાડયો હતો.