કોર્પોરેશનમાં સમાવાયેલા ગામોની દુર્દશા,ઉંડેરા બાદ ભાયલીનું તળાવ ઓવરફ્લો થતાં પાણી ઘૂસ્યા

વડોદરા કોર્પોરેશનમાં સમાવેશ કરાયેલા ગ્રામ્ય વિસ્તારોમાં પહેલા જ વરસાદમાં પૂરની સ્થિતિ સર્જાઇ છે.
વડોદરામાં ગઇ કાલે પાંચેક ઇંચ વરસાદ પડતાં ઉંડેરા ગામનું તળાવ ઓવરફ્લો થઇ ગયું છે,જેને કારણે મહાકાળી માતાના મંદિર,નજીકનો મુખ્ય માર્ગ અને આવાસોમાં પાણી ભરાઇ ગયા છે.વરસાદ ઓછો થતાં પંપ મૂકીને પાણી કાઢવાની કામગીરી કરાઇ હતી.પરંતુ હજી પણ પાણી ભરાયેલાં છે.
આવી જ રીતે ભાયલી ગામનું તળાવ પણ ઓવરફ્લો થતાં ભાથુજી મહારાજના મંદિર અને ખરી વિસ્તારમાં બે થી ત્રણ ફૂટ પાણી ભરાઇ ગયા હતા.જ્યારે,ભાયલીથી ગોકુળ પુરા અને રાયપુરા જેવા ગામોની અવરજવર પર પણ અસર થઇ હતી.