માંજલપુર પોલીસ સ્ટેશનની સામે ફૂટપાથ પર બેઠેલા મિત્રોને ટક્કર મારી ટેમ્પો ચાલક ફરાર

માંજલપુર પોલીસ સ્ટેશનની સામે ઝૂંપડામાં રહેતો શ્રમજીવી તેના મિત્ર સાથે ફૂટપાથ પર બેઠો હતો. તે દરમિયાન થ્રી વ્હીલ ટેમ્પો ચાલક તેઓને ટક્કર મારીને ભાગી ગયો હતો.
માંજલપુર પોલીસ સ્ટેશનની સામેે ઝૂંપડામાં રહેતા દિલીપભાઇ નરસિંગભાઇ ડામોર ગત ૨૦ મી તારીખે રાત્રે તેના મિત્ર પુનીયા ભાઇ સાથે ઝંૂપડાની બહાર ફૂટપાથ પર બેઠો હતો. તે દરમિયાન પૂરઝડપે આવતા ટેમ્પો ચાલક તેઓને ટક્કર મારીને ભાગી ગયો હતો.દિલીપભાઇને પાંસળીમાં ફ્રેક્ચર થયું હતું. જ્યારેપુનીયાભાઇને માથાની પાછળ અને ડાબા પગમાં ઇજા થઇ હતી. બનાવ અંગે માંજલપુર પોલીસે વધુ તપાસ હાથ ધરી છે.