ખિસકોલી સર્કલ વુડાના બંધ મકાનમાંથી ચોરી

ખિસકોલી સર્કલ પાસે શિવાજીપુરી વુડાના મકાનમાં રહેતા રિક્ષા ડ્રાઇવર રાજેશભાઇ બાવજીભાઇ રાણા તથા તેમના પત્ની ગત ૧૦ મી તારીખે ઘરને તાળું મારીને નીકળ્યા હતા. તેમની પત્ની નોકરી ગઇ હતી. સાંજે પોણા સાત વાગ્યે તેઓ ઘરે આવ્યા ત્યારે મકાનનું લોક તૂટેલી હાલતમાં હતું.ચોર ટોળકી ઘરમાંથી સોના ચાંદીનાદાગીના અને રોકડા ૬ હજાર મળી કુલ ૮૫,૬૦૦ રૃપિયાની મતા ચોરી ગઇ હતી. જે અંગે અટલાદરા પોલીસે તપાસ હાથ ધરી છે.