પોલીસે આશ્વાસન આપતા પરિવારે મૃતદેહ સ્વીકાર્યો

જાંબુવા ગામે રહેતા વૃદ્ધનું મોત ૬ કરોડની જમીનના વિવાદમાં થયું હોવાનું જણાવી પરિવારે ગઇકાલે મૃતદેહ લીધો નહતો. આજે પોલીસે યોગ્ય તપાસની ખાતરી આપતા પરિવારે મૃતદેહ સ્વીકાર્યો હતો.
પોલીસ સૂત્રો દ્વારા મળતી માહિતી મુજબ, જાંબુવા ગામમાં રહેતા ૬૨ વર્ષના વિનોદભાઇ મણીલાલ પટેલને હાર્ટ એટેક આવતા તેઓનું મોત થયું હતું. અમારી જમીન પચાવી પાડનાર સામે ગુનો દાખલ કરો પછી જ અમે મૃતદેહ લઇશું. તેવું કહીને પરિવારે મૃતદેહ સ્વીકારવાની ના પાડી હતી.આજે પરિવારે પોલીસ કમિશનર કચેરીનો સંપર્ક કર્યો હતો. તેઓને યોગ્ય તપાસની ખાતરી આપવામાં આવી હતી. જેથી, પરિવારે આજે મૃતદેહ સ્વીકારી અંતિમ વિધિ કરી હતી.