વડોદરામાં માંડવી નજીક અપના બજાર ખાતે જર્જરિત ઇમારતનો ભાગ ધરાશાયી

Vadodara : વડોદરા શહેરના માંડવી નજીક આવેલા અપના બજાર વિસ્તારમાં એક જર્જરિત ઇમારત વધુ જોખમી બની છે. ઇમારતના બીજા માળે લગાવવામાં આવેલો પતરાના શેડનો ભાગ અચાનક તૂટીને નીચે પડ્યો હતો. જોકે ઘટના સમયે ત્યાં કોઈ અવરજવર ન હોવાથી સદનસીબે જાનહાનિ કે ઇજા થઈ નથી.
સ્થાનિકોના જણાવ્યા મુજબ ઇમારત લાંબા સમયથી જર્જરિત હાલતમાં છે અને તેના વિવિધ ભાગોમાંથી વારંવાર કાટમાળ તથા પ્લાસ્ટર નીચે પડતું રહે છે. સદનસીબે પતરાનો શેડ પડ્યો ત્યારે ત્યાં કોઈ અવર જવર નહિં હોવાથી દુર્ઘટના ટળી છે.
સ્થાનિકોએ તંત્ર સમક્ષ જોખમી ઇમારતને સુરક્ષિત રીતે દૂર કરવા અથવા જોખમી ભાગ તોડી પાડવાની માગ કરી છે.