રૃા.૨.૦૨લાખના એમ.ડી. ડ્રગ્સ સાથે એક પકડાયો , સપ્લાયર ફરાર

'ઓપરેશન મિશન ક્લીન' અંતર્ગત  રાવપુરા પોલીસની ટીમે રૃા.૨.૦૨ લાખની કિંમતના એમ.ડી. ડ્રગ્સ સાથે એક ઈસમને ઝડપી પાડી સપ્લાયરને ફરાર જાહેર કર્યો છે.

સયાજી હોસ્પિટલના પ્રવેશદ્વાર પાસે એક ઈસમ ડ્રગ્સ સાથે ગ્રાહકની શોધમાં હોવાની બાતમી પોલીસની ટીમને મળી હતી. બાતમીના આધારે પોલીસે ગુલ્ઝારઅલી મોહંમદસાહીદ ખલીફા ( રહે.અરમાન કોમ્પલેક્સ,અકોટા/ મૂળ રહે- ઉત્તરપ્રદેશ)ને રૃા.૨,૦૨,૨૨૦ની કિંમતના ૬૭.૪૦૦ ગ્રામ મેફેડ્રોન (એમ.ડી.) ડ્રગ્સના  જથ્થા સાથે ઝડપી પાડી  રોકડા રૃપિયા, મોબાઈલ ફોન સહિત કુલ રૃા.૨,૩૦,૯૦૦નો મુદ્દામાલ કબજે કરી, સપ્લાયર રાજસ્થાનના અલીમોહંમદ પઠાણને ફરાર જાહેર કર્યો છે. આરોપી કારેલીબાગ વિસ્તારમાં હેર સલૂનમાં કામ કરે છે.