આવતીકાલથી ત્રણ દિવસ સરકારી કચેરીઓમાં મીની વેકેશન

Vadodara : આવતીકાલે શુક્રવારે મોહરમ નિમિત્તે તાજીયા ઠંડા કરવામાં આવશે. મોહરમની જાહેર રજા બાદ ચોથો શનિવાર અને ત્યારબાદ રવિવાર આવતાં સરકારી તથા અર્ધસરકારી કચેરીઓમાં સતત ત્રણ દિવસની રજાનો સંયોગ સર્જાયો છે.
શુક્રવાર, શનિવાર અને રવિવાર એમ સતત ત્રણ દિવસ કચેરીઓ બંધ રહેતાં કર્મચારીઓમાં મીની વેકેશનનો માહોલ જોવા મળી રહ્યો છે.
સતત ત્રણ દિવસની રજાના કારણે સરકારી કચેરીઓમાં કામકાજ સોમવારથી નિયમિત રીતે શરૂ થશે. બીજી તરફ બેંકો અને અન્ય સંસ્થાઓમાં પણ રજાના સમયપત્રકને ધ્યાનમાં રાખી નાગરિકોને જરૂરી કામો અગાઉથી પૂર્ણ કરવાની સલાહ આપી છે.