ઈ-બસમાં સ્ટોપ સ્વિચ દબાવી રીલ બનાવી જોખમી સ્ટંટ

પીએમ ઈ-બસ યોજના હેઠળ વડોદરા શહેરને ૫૦ નવી ઇલેક્ટ્રિક બસો ફાળવવામાં આવી છે.

આધુનિક સુવિધાઓથી સજ્જ આ બસોમાં મુસાફરોની સલામતી માટે વિવિધ ઇમરજન્સી સ્વિચ આપવામાં આવી છે. જોકે, કેટલાક રીલબાજો બસની સુવિધાઓની મજાક બનાવી સ્ટોપ અને એસઓએસ સ્વિચ દબાવી રીલ બનાવી સોશ્યલ મીડિયા પર વાયરલ કરી રહ્યા છે, જે મુસાફરોની સુરક્ષા માટે ગંભીર જોખમ ઊભું કરી શકે છે.

ઈ-બસના ડ્રાઈવરના જણાવ્યા મુજબ, બસમાં આ સ્વિચ દબાવવામાં આવે ત્યારે સાયરન વાગવા સાથે બસના દરવાજા ઓટોમેટિક ખુલી શકે છે અને દોડતી બસ અચાનક રોકાઈ જતા અકસ્માતનું જોખમ રહે છે. આ સિસ્ટમનો બિનજરૃરી ઉપયોગ અટકાવવા માટે તંત્ર દ્વારા પણ આવા કૃત્યો સામે કડક કાર્યવાહી કરવામાં આવે તેવી માગ ઊઠી છે.

આ જ બસમાં મુસાફરી કરી રહેલા જાગૃત અન્ય મુસાફરોએ તોફાનીઓની આ ભયજનક હરકતનો સાગમટો વિરોધ કરી એમને તાકીદે રોકવા માગ કરી છે.