માંજલપુરમાં ઝઘડો થતા યુવકની પત્નીને ઉપાડી જવાની ધમકી આપનાર સામે ફરિયાદ

માંજલપુરમાં પાણીપુરીના નાણાં બાબતે થયેલી બોલાચાલી અને ઝઘડાની અદાવતમાં પરિણીતાને ઉપાડી જવાની ધમકી આપવામાં આવી હતી.
માંજલપુર હરીધામ ફ્લેટ્સમાં રહેતા પાયલબેને માંજલપુર પોલીસ સ્ટેશનમાં ફરિયાદ નોંધાવી જણાવ્યું છે કે, મારા પતિ નૈતિકભાઈ પ્રેસ રિપોર્ટર છે. તેઓને અલવા નાકા પાસે પૂજીબા નગરમાં લોકેશ શર્મા નામના શખ્સ સાથે પાણીપુરીના પૈસા બાબતે ઝઘડો થયો હતો. રાત્રે ૧૦ વાગ્યે હું માંજલપુર સરસ્વતી ચોકડી તરફથી મારા ઘર તરફ ચાલતી જતી હતી. ત્યારે ત્યાં બેઠેલા લોકેશ શર્મા, બાલા અય્યર અને નિલેશ કહાર ત્યાં બેઠા હતા. લોકેશ શર્માએ મને જોઈને કહ્યું હતું કે, નૈતિક નહીં મળે તો તેની પત્નીને જ ઉપાડી જઈશું.