ઇલોરાપાર્કની SBI,સમાની મોબાઇલ શોપ અને કારેલીબાગના મકાનમાંથી રોકડની ચોરી

શહેરમાં જુદા જુદા સ્થળોએ ચોરીના બનેલા ત્રણ બનાવો અંગે પોલીસ સ્ટેશનમાં ફરિયાદો નોંધાઇ છે.
ગોત્રીના રાજેશ ટાવર ખાતે આવેલી સ્ટેટ બેન્કની ઇલોરાપાર્ક શાખામાંથી ગઇ તા.૧૪-૯-૨૫ના રોજ સવારે બે ગઠિયા કેશ જમા કરાવવાના અને ઉપાડવાના મશીનના રૃમમાં પાછળના દરવાજાનું તાળું તોડી પ્રવેશ્યા હતા અને પાંચ ટ્રાન્જેક્શન કરી રૃ.૫૩૫૦૦ ઉપાડી ફરાર થઇ જતાં ગોરવા પોલીસે તપાસ હાથ ધરી છે.
સમાની વૃન્દાલય રેસિડેન્સી સામે મોબાઇલ શોપ ધરાવતા રાહુલ રાજપુરોહિત તા.૧૪ મી સપ્ટેમ્બરે બપોરે દુકાનમાં હતો ત્યારે ત્રણ ગ્રાહકો આવ્યા હતા અને વાતોમાં પરોવી રૃ.૧૦૦ની ખરીદી કરી ગયા હતા.આ વખતે કોઇ ગઠિયો તેની નજર ચૂકવી રોકડા રૃ.૮૦ હજાર ઉપાડી ગયો હતો.આવી જ રીતે કારેલીબાગ ટાંકી રોડ પર શિલ્પી સોસાયટીમાં શેઠના મકાનમાં રહી કેટરિંગનું કામ કરતા મોહનલાલ પુરોહિત ગઇકાલે સવારે કામ માટે ગયા હતા ત્યારે ચાર કલાકના ગાળામાં નકૂચો અને જાળી તોડીને ત્રાટકેલો ચોર રોકડા રૃ.૧.૮૦લાખ ઉઠાવી જતાં તેેમણે પોલીસ ફરિયાદ કરી છે.